法證先鋒V｜周柏豪被消失由黃宗澤頂替角色 為拍內地劇搵真銀犧牲埋仔女

早前有報道指無綫為配合內地整頓娛樂圈的新政策，尤其重視藝人的形象，故由周柏豪、黃翠如擔正主演的新劇《法證先鋒V》，改由黃宗澤、蔡潔頂替接拍。周柏豪日前出席《勁歌金曲》錄影時指，換角與報道內容無關，解釋自己將會有一段日子在內地工作，公司才幫他推掉《法證先鋒V》。

{{hket:inline-image name="192316563_481870593020999_8968671881457279808_n.jpg"}}{{/hket:inline-image}}

{{hket:inline-image name="237637911_355809569520604_9016333544891272214_n.jpg"}}{{/hket:inline-image}}

同場加映：【娛樂直擊】張小倫獲三家電視台邀請講鬼故 被問到張家朗廣告造型佢話...

{{hket:ul-video id="4335"}}{{/hket:ul-video}}

周柏豪過往因為言論問題，令不少網民離棄他，而今次辭演《法證V》，亦引來不少說話，有人感到很可惜，有些卻贊成換人，包括：「感覺好可惜，多好的機會」、「還好不是他，不然整齣劇毀了」、「太好了，謝謝你的撞期……你唱歌還是認同的，但拍戲總覺得演技一般般」、「太好了，有黃宗澤才會看」、「期待柏豪內地劇」、「大灣區中秋有他，他就沒問題」、「撞乜期吖！換人就換人啦」、「佢好似已經過晒氣，仲衰過以前喺華納唱片」及「oppa沒演了」等。

《法證先鋒V》星夢一哥周柏豪孭飛參演第5輯 傳將邀請佘詩曼鍾嘉欣歸隊【下一頁】

周柏豪日前在電視城接受訪問時，親自解釋辭演原因，「我喺上次公布話有份參與《法證V》之後，其實好快收到另外一單工作，係同一段時間差唔多發生，然後公司就決定咗我去內地工作，所以就要『缺席』《法證V》呢邊劇組。我應該10月尾就會離開香港幾個月。（即是要跨年工作？）會過晒我個女嘅2歲生日、結婚周年紀念、我個仔嘅百日宴……（會提早慶祝？）冇啦，我唔出現……當然係好唔捨得啦！」

（↓點擊放大睇圖片↓）

周柏豪向傳媒表示原本很期待同袁偉豪、黃宗澤一齊開工，很可惜工作撞期。對於有指無綫因為擔心才會換人一事？他說：「唔關事，我而家都返內地拍劇，秋晚（《2021大灣區中秋電影音樂晚會》）都有份演出，黃宗澤應該唔係代替我。詳情最好問製作部，因為接觸我嗰時係好初步。（因為內地劇酬勞較吸引？）唔係，係角色好吸引。」

同場加映：Sick問識答｜中醫講解有邊幾類食物經前忌食

{{hket:ul-video id="4328"}}{{/hket:ul-video}}

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】