公關災難丨周柏豪鄭融獻唱《一事無成》打氣 失業人士沮喪：點解仲要諷刺我

周柏豪尋日出席《萬眾同心公益金2021》獻聲，上台獻唱佢嘅熱門歌曲，希望支持佢嘅朋友踴躍捐款；不過就真正「好心做壞事」，變咗落井下石之餘仲引發公關災難，大量網民排隊鬧爆。

{{hket:inline-image name="d1d85877622e364cc9119b779e7bbf3c.jpg"}}{{/hket:inline-image}}

柏豪首先講出感動嘅開場白：「每一點關懷同幫助，再加上擁有堅毅積極嘅心，就算困難有幾大，總會有跨過去嘅一日。只要唔好放棄生活，讓愛高飛，前景一定充滿希望，加油！」之後再唱出佢嘅金曲《讓愛高飛》，不過佢緊接住同鄭融合唱《一事無成》就被指攞景兼贈興，事關《一事無成》歌詞當中有以下幾句︰「好想好好的打拚，可惜得到只有劣評，沒有半粒星」、「幾年來毫無成績，地位未有躍升」、「我試著生性，但求父母親高興，假如凡事都失敗，也許得愛戀先可以得勝」。有網民認為大會挑選《一事無成》，感覺在諷刺：「係咪笑緊失業人士一事無成？」甚至有自稱係失業嘅人沮喪留言：「我失業半年了，打開電視想要一點娛樂而已，點解仲要諷刺我們一事無成? 一時搵唔到工就等於冇用嗎？」

（↓點擊放大睇圖片↓）

同一個尷尬情況亦發生在泳兒身上，但佢嘅部分就唔似周柏豪同鄭融嘅演出有咁大迴響。當時節目先播出獨居長者受訪片段，之後請出蕭正楠、區永權演出，大會再安排支票頒發環節，才邀泳兒出場唱出她的新歌《孤毒》。有網民直言歌曲「好應景」，但就冇出現被圍插嘅「壯舉」。

不過柏豪就冇畀網上嘅留言影響心情，繼續發揮佢潮人嘅本色，喺微博推介國產嘅李寧牌籃球鞋，留言:「期待了很久的球鞋，今天打球穿了，很舒適，非常喜歡，謝謝！」 不過佢就唔畀網民留言，唔知今次會唔會掀起搶購李寧牌籃球鞋嘅熱潮呢？

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】