DJ阮小儀曾同時間養兩隻芝娃娃，分別是Dee Dee及細佬佬，可惜Dee Dee於2019年病逝，現時家中只得9歲的細佬佬。小儀表明此時此刻未有想過再養多一隻狗狗，只想集中心思在細佬佬身上；當年Dee Dee患病的日子令她心力交瘁，因為她從來當寵物是屋企人，不會視作傢俬來看待，會負起照顧一生一世的責任。
同場加映：張潔蓮嫁了對的人卻常被冠錯夫姓 與袁文傑婚後關係仍如老友
小儀回憶養芝娃娃是一件很有趣的事情，皆因小時候的她是不喜歡這品種的狗，覺得既嘈吵又細隻，好驚牠們的手腳會斷，「直至搬出嚟住，好想養狗，咁就遇到Dee Dee，寵物店唔係有好多隻畀我揀，當時只得佢一隻，一睇就好似緣分咁整定佢做我隻狗。記得Dee Dee番嚟最初係有病，有少少狗房咳及狗瘟，獸醫話有心養就快啲帶番屋企，因為屋企環境對佢好啲，好過留喺寵物店。我個心好想拯救佢，於是就決定養佢。」小儀當狗主後知識不斷增長，明白狗狗亂吠跟品種無關，不一定是芝娃娃才特別嘈吵，相反是主人教導的問題，無花時間令牠們融入家中及學識守規矩。
小儀與13型男｜蘇民峰女友初見爭埋單唔嫌窮小子 拍拖30年「由憐生愛」安全感滿分【下一頁】
當Dee Dee大約6、7歲左右，小儀媽咪獲士多老闆送贈配種的狗BB，小儀見到細佬佬有Dee Dee當年的感覺，當刻衝動之下即收養了細佬佬，「最初係有啲私心，想細佬佬陪Dee Dee，好多人講狗BB得意，好多時會將注意力放喺佢身上，提我唔好令Dee Dee以為自己失寵。我有不時提醒自己，加上Dee Dee係我人生第一隻狗，我係好鬼錫佢又顧佢感受。細佬佬嚟到屋企係被打入冷宮，我點都係偏心Dee Dee，入門口第一時間會嗌佢同摸佢先，好笑係我做呢啲動作時，細佬佬喺側邊開始呷醋又爭寵，但佢又唔會蝦哥哥Dee Dee，心知地位點都大唔過哥哥。」
小儀與13型男丨鄧健泓大男人介意石詠莉被睇蝕 廁所偷泣因為家姐爭贏埋單？【下一頁】
提到Dee Dee離世當晚，小儀覺得細佬佬是有所感覺，因為Dee Dee最後年幾不適要打「皮下水」，細佬佬可謂睇住哥哥身體越變越差，細佬佬似懂得幫手照顧哥哥，望牠的眼神會感到牠成長了，「你會發覺唔單止我學習Dee Dee嘅生老病死嘅課題，細佬佬喺側邊都學緊呢樣嘢。好記得Dee Dee係半夜兩、三點左右抽筋，細佬佬睇住我帶Dee Dee去醫院，但番嚟只得我一個人拎住毛巾，可能細佬佬會奇怪點解唔見咗Dee Dee？跟住幾日細佬佬好乖咁傍住我，我睇住佢，佢又睇住我，有人教我唔好一次過執走Dee Dee嘅嘢，要畀我哋去習慣一下……有時會問細佬佬有冇掛住Dee Dee，佢好似識得咁望住張相，但唔知係咪囉！不過有個得意位，就係放喺Dee Dee張相前面啲零食，細佬佬從來唔會偷食。」
（↓點擊圖片放大↓）
- {{hket:inline-image name="Image08.jpeg"}}{{/hket:inline-image}}
- {{hket:inline-image name="241864602_249558633719890_1734952419530626177_n.jpg"}}{{/hket:inline-image}}
- {{hket:inline-image name="kittyyuen_61182115_1547532408711814_951958168641439600_n.jpg"}}{{/hket:inline-image}}
- {{hket:inline-image name="kittyyuen_53109695_2545362265480834_4634732623234881630_n.jpg"}}{{/hket:inline-image}}
- {{hket:inline-image name="kittyyuen_58468484_804264069956262_4549894309589890441_n.jpg"}}{{/hket:inline-image}}
- {{hket:inline-image name="kittyyuenSMALL_241791565_916098762322609_5038961604618317626_n.jpg"}}{{/hket:inline-image}}
- {{hket:inline-image name="kittyyuen_61932187_308983860054965_6506622032094181052_n.jpg"}}{{/hket:inline-image}}
- {{hket:inline-image name="kittyyuen_61899468_900256013650942_1775926393240357129_n.jpg"}}{{/hket:inline-image}}
- {{hket:inline-image name="kittyyuen_62452732_450253572452763_1919320057967649657_n.jpg"}}{{/hket:inline-image}}
- {{hket:inline-image name="kittyyuenSMALL_125309093_693044734930602_966454245099118110_n.jpg"}}{{/hket:inline-image}}
- {{hket:inline-image name="kittyyuenSMALL_235868270_687679772630175_8159621674360456371_n.jpg"}}{{/hket:inline-image}}
- {{hket:inline-image name="kittyyuenSMALL_242502007_107451764948175_7899235701825863869_n.jpg"}}{{/hket:inline-image}}
- {{hket:inline-image name="kittyyuen_50982649_346603746190860_7042071116949852260_n.jpg"}}{{/hket:inline-image}}
- {{hket:inline-image name="kittyyuenSMALL_217734175_359720499061973_2543763146956618518_n.jpg"}}{{/hket:inline-image}}
小儀坦言暫時不會再養多一隻狗狗，皆因細佬佬已經9歲，加上Dee Dee患病時令她心力交瘁，「萬一細佬佬身體變差又點呢？唔想再經歷多一次大細都要兼顧，當時真係好吃力。而家想集中精神喺細佬佬身上，但係都要講緣分，若果遇到一隻好想養就會養，而呢一刻就冇話要去搵一隻寵物彌補番屋企個空隙。（作為狗主有甚麼分享？）可以嘅話就選擇領養，呢個世界好多狗需要我哋幫手，如果屋企有空間能夠養狗，真係考慮一下去領養，同埋唔好成日以為領養嘅狗年紀會好大，唔聽話教唔到，其實唔係咁。雖然我哋唔知狗狗之前有咩故事，例如被人遺棄或者虐待，狗狗剩係知道呢間屋畀佢好多愛，就會特別乖、懂性同易教，並唔係由細養起嗰啲先特別易教，年紀大嘅狗狗都易教，係好需要大家嘅愛。」
小儀最後感性話：「人嘅生活圈子可以好大，可以每日約唔同嘅朋友，但狗狗唔係咁，入咗你屋企成為你屋企人之後，佢嘅一生只有你。所以養狗就要記住，你要花時間喺佢度，因為佢係屋企其中一份子，唔係屋企嘅傢俬，佢係有生命、有感受，你負起養佢嘅責任，相對要畀啲時間佢。養寵物係要做足全套嘅，即係佢最得意、最可愛時，你成日攬住佢自拍，畀到呢種快樂你；調轉佢年老有病時，好多負擔、唔開心同煩惱，你要肩負起呢個責任，陪伴住佢，帶佢去睇醫生，唔好只係貪咗人哋得意、開心嘅時候，到人哋有病就背棄佢，呢樣嘢係唔應該，記得你要肩負起一切責任。」
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】