中學戀事︳葛民輝自誇讀書叻溫女多過溫書 小儀認較鍾情林海峰：佢靚仔啲

DJ阮小儀請來葛民輝為香港開電視節目《小儀與13型男》任嘉賓，二人是多年商台同事。節目中，小儀找來阿葛做一日拍拖對象，為襯托這位潮人，小儀以一身vintage全套運動衫褲造型出現，慘被阿葛嘲笑似「伯爺」年代！

對於要當小儀的約會對象，阿葛一針見血笑道︰「小儀會唔會係我約會對象嘅type（類型)？體形係問題嚟，出街嗰陣，弊喇！點解自己拖咗個小露寶出街咁！」

{{hket:inline-image name="1_5.jpg"}}{{/hket:inline-image}}

小儀請來好友做一日拍拖對象，點解阿葛個樣咁委屈咁嘅！(圖片：大會提供)

平反女追男︳張繼聰被謝安琪靚聲迷倒展追求 結婚13年認有第三者? 【下一頁】

要阿葛回憶讀書時的戀事，「那是遠古年代……」他指自己曾暗戀女同學，「因為讀書太叻，好快就溫晒書，冇嘢做咪『溫』女，嗰時我做班長，有個女同學，老師話佢體弱多病，需要多加照顧，我就開始暗戀佢，但有一日佢送咗個汽水蓋畀我，上面寫住三藩市，同我講話要移民！」阿葛笑稱經歷這次「情傷」，覺得自己不應該談戀愛，「係要等啲女嚟『戀』我……」

鏡頭一守，阿葛帶小儀去踩滑板，小儀問他踩滑板是否可以識到好多女仔？阿葛即答：「儍啦，踩滑板唔會識到女仔，板仔成日都好似好窮咁！」阿葛經常予人口花花的感覺，其實好長情，結婚快28年，兒子都25歲了！講到愛情觀，他自稱是個保守又傳統的男人，「我嘅戀愛歷程唔順利㗎，有時以為自己睇得通，但人係會變，往往一段關係都會有好多考驗，要懂得去遷就對方。」

（↓點擊圖片放大↓）

節目中小儀與阿葛手拖手約會，形容這次是第一次和他最貼身接觸，不禁興奮大叫，「識咗葛民輝咁耐，第一次同佢咁近，莫講話拖佢隻手，以前離遠叫佢都好興奮，拖佢隻手嗰種感覺係好親切。」女拖男，個心卻想著另一個，「其實自己讀大學時都幾鍾意『軟硬』，佢哋當中，我會鍾意Jan（林海峰）多啲，因為佢公子啲、靚仔啲，咁我都好鍾意阿葛嘅親切嘅……」

{{hket:inline-image name="18.jpg"}}{{/hket:inline-image}}

軟硬呢對活寶貝，因為性格各異，反而一凹一凸好合拍。(圖片：葛民輝IG)

撰文：衛紫敏

無綫元祖級報幕員麥劍秋離巢結束30多年報幕生涯唔捨得 【下一頁】