袁偉豪着小泳褲入浴曬小Ben 網民讚弗：快啲再出寫真！

疫情下大家都冇得去旅行令Staycation大行其道，唔少人都會去酒店打卡影靚相。早前中秋節袁偉豪就喺社交平台公開Staycation出浴照，喺無敵海景前浸住花瓣浴曬背，着上黑色泳褲，被網民投訴冇睇頭。日前佢聽到大家嘅訴求，加正面相，加碼曬弗爆body！

{{hket:inline-image name="242462033_692704105023887_7973850004047021508_n.jpg"}}{{/hket:inline-image}}

袁偉豪新一輯相最多布嗰張係浴袍上陣，另外着住黑色小泳褲入浴，正面騷結實胸肌同腹肌，小Ben都喺貼身褲仔下現形，非常sharp醒。有網民想起佢曾推出寫真，於沙灘全裸曬股，又着白色泳褲濕身騷「小Ben」，相比之下身材真係冇走樣，大家都力推佢再出寫真！

其實2020年袁偉豪同老婆張寶兒出席台慶時，因一張相被網民指走樣，同演《城寨英雄》時嘅顏值差好遠，袁偉豪顯然非常介懷，發文反擊並多番提起自嘲。今次袁偉豪再post「玉照」，真係唔使講咁多，一定係為自己大平反，力證身形依舊弗爆。

事實上選《香港先生》出身的袁偉豪本身對自己外形甚有信心，2018年書展期間自資6位數推出純影集，與團隊到印尼峇里拍攝，當中不乏泳褲照、生活及工作寫真，更有全裸照，成為一時熱話，而寫真收益則撥捐慈善用途。