洗米華蠟頭撐老婆被封馬交古天樂 阿女靚樣打破洗米嫂整容傳聞

澳門賭場大亨周焯華（洗米華）同時擁有太陽娛樂集團跨足演藝圈，佢最為人認識嘅並唔係佢成功嘅事業，而係「花生度」十足嘅風流故事。周焯華周旋喺老婆陳慧玲同藝人Mandy Lieu之間，轟動全港，好睇過連續劇。

2014年，Mandy與周焯華嘅緋聞爆出，兩人曾高調出席飯局，Mandy獲封為「最強小三」。2015年至2017年Mandy為男方生下２女1子。男方公開認定陳慧玲係唯一老婆，Mandy最後心死並於2020年移居英國；同年7月二人被影到親密相擁，直到Mandy年底接受訪問，親口承認兩人已經分手，但同時爆出再一次為男方生下１女，Mandy指雖然雙方已經分開，「有了孩子，我們還是一家人。」

{{hket:inline-image name="242569349_535117477781363_7099798430472242310_n.jpg"}}{{/hket:inline-image}}

周焯華打後日子「浪子回頭」，將生活重心放在澳門，老婆陳慧玲亦不計前嫌，在社交網上傳家人為佢慶生嘅照片，之後亦多次夫妻合體，例如慶祝大女兒19歲生日以及其他節慶；唔少網民都話係「大團圓結局」，好多人都撐洗米嫂，封佢做「大婆教科書」。

日前洗米嫂於澳門開設結合種植、盆栽、花藝的咖啡廳，post出夫妻單獨合照，大曬恩愛，興奮地寫下：「老闆大駕光臨嚟我舖頭打卡」。兩人嘅大女兒都有到場，洗米嫂將手臂放喺老公肩上，洗米華蠟行頭髮非常chok，好多網民都將focus放咗喺二人嘅顏值上，紛紛認為47歲、40歲嘅佢哋「保養得好好」、「好喜歡你們兩個人的合照」、「老闆係澳門古天樂」等等。

洗米嫂唔識老嘅靚樣曾經被指整容，估唔到要由19歲嘅囡囡為佢平反，有網民大讚佢兩母女餅印一樣，留言：「女女個鼻係神複製」，洗米嫂都回應：「哈哈，神複製，正！所以以前成日有人屈我整容，其實睇我大女個樣就知啦！唔通捉埋個女一齊整？」

圖片來源︰Instagram