是非風眼︱江嘉敏被插高竇當正Fans係下人 扮nice雙面人用明星身份攞着數？

江嘉敏出道以嚟一直是非不斷，除咗之前同馮盈盈被指上富貴船P後鬧不和之外，又試過被指收兵獲封為新一代姣精。今日江嘉敏又「創新猷」，有一名前粉絲自稱不齒佢嘅行為，指自己入咗Fans Club先知江嘉敏係有幾黑暗，力數佢嘅不是。

{{hket:inline-image name="153482045_3798902816842535_3005355094814055559_n.jpg"}}{{/hket:inline-image}}

呢名前粉絲指江嘉敏原本都有一班支持者，不過因為佢個人風評唔好流失咗大量追隨者，「明明一出道評價都無咁差，個樣又幾呃得吓人，點解幾年就可以衰落成咁？好多人一開始嘅評價仲差過你。」仲拉埋江嘉敏死敵馮盈盈一齊講，指後者一開始都畀人話係粗口港姐，但而家一樣發展得好好。

前粉絲力數江嘉敏多宗罪，指對方EQ低、「寸寸貢」又貪心，話佢喺出面𢲷sponsor，無論去到邊都想攞人著數；叫人幫手買嘢唔畀番錢人等，基本禮貌同尊重都冇！前粉絲繼續鬧爆江嘉敏高竇，對fans如下人，話試過gathring佢係完全唔幫手set場，走又唔講byebye；話送英國手信畀粉絲，但手信係擺咗一年先至送，重要Fans Club搵人代佢分派而唔親手送！

有另一名網民加入咗討論，表示對江嘉敏好反感，暗指佢係雙面人，「早兩年賣衫，佢試過𢲷sponsor，呢頭同你笑哂口，轉頭就同第二個講是講非，多多意見！」

（↓點擊放大睇圖片↓）

前粉絲仲上載咗一張相，係江嘉敏嘅粉絲代表喺group度問有冇人做氣球生意，不過大家都冇回應佢。到女方生日，生日會場地放滿氣球佈置，仲tag咗呢間氣球公司，而呢間只得25人follow嘅公司又得江嘉敏一個post！奇就奇在佢男友 (電競公司高層Anthony) 生日佢又搵番同一間氣球公司，唔知係咪「攞着數」成功，成件事都好莫名其妙！