舊日的足跡│魏駿傑低潮曾想自殺靠個女救番 重提與滕麗名分手：佢越紅我越避

魏駿傑近日車淑梅的電台節目《舊日的足跡》訪問，現時單身，帶女洪郎的他大談自己跟滕麗名和前妻張利華分手的原因。「2020年係非常難過嘅一年，我要去睇心理醫生，離婚、封關，有一年半時間係零收入。我想過自殺，覺得好慘，我個女救番我，因當時我想起佢唔可以冇咗我，我將隻脚踏返落嚟。呢件事唔可以畀我個女知，我喺佢面前日日都好開心，如果佢知會影響佢一世。」

同場加映：【專訪】聲夢傳奇│炎明熹與父母分開生活促獨立 「長時間冇見面感情總會爭少少」

{{hket:ul-video id="4121"}}{{/hket:ul-video}}

帶女洪郎│魏駿傑曾推演出被斥無情無義 與前妻張利華有聯絡爆愛女拒見【下一頁】

{{hket:inline-image name="cc.jpg"}}{{/hket:inline-image}}

對於離婚一事，魏駿傑指自己做足爸爸本份，卻不是滿分老公，「我離婚冇講邊個啱，邊個錯，其實我哋都開心過。離婚係因為人會變，我變得太離譜，淨係掛住湊女而忽略咗佢？就當係啦！大家好落台。我係個好悶嘅老公，係一個110分嘅爸爸，30分嘅老公。其實我都有啲嘢做得唔錯，每年情人節我都會整心形牛扒，旁邊圍住兩隻大龍蝦，又會送花，做足咁多年！但係有啲事情察覺到可以解決，但有時察覺唔到，發覺時已經冇咗……」

至於魏駿傑另一段最為人熟悉的戀情，正是《陀槍師姐》中戲假情真的滕麗名，提到今年初播出的《陀槍師姐2021》，魏駿傑透露「程峰」並沒有獲邀參演︰「佢哋冇叫我，叫我都唔會去，因為只有滕麗名唔夠，一定要有歐陽震華、關詠荷，所以我唔認同佢（這劇集）係《陀槍師姐》。有冇魏駿傑都冇所謂，不過就算搵我，我一定say no！」

【愈行愈遠】張利華暗示夫妻6年冇性生活 寂寞空虛仍感激魏駿傑多年照顧【下一頁】

《陀槍師姐》令他與滕麗名走在一起，可惜兩人最終於2008年分手，「我北上發展，有30%係因為佢。我哋拍拖9年冇結婚打算，我爸爸喪禮佢以未來媳婦嘅身分出席，我好感動。但後來忽然間唔知點解大家冇咗感覺，就好似結咗婚90年……原來太投入劇中嘅情感戲會傷害到自己，我冇諗過真係結婚，我怕我分唔清係做戲定係真。人家會以為係藉口，我當然係真心愛佢，一定係，否則唔會（拍拖）8、9年，大家好期待我哋結成一對，但我成日都想做普通人，點解要做金童玉女？佢好紅，一定紅過我，佢越嚟越紅，我就越嚟越避，所以我就let go，唔好害咗佢……」

魏駿傑坦言令滕麗名受到傷害，「（滕麗名）其實都係受害者，現實生活中好懂得愛我，係我配唔起佢。而家佢成為朱太，我好開心！我見到人家幸福我就開心。」他早前把大屋賣掉，現時父女倆租住較小單位， 感覺更親近，「一切都會有好轉，舊年我運氣咁差都可以過到，所有香港人都可以過到，唔好放棄，未來只會越嚟越好！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉