影壇四大惡人丨黃光亮向黃霑跪地敬三杯拜師 不奢求偉績：人生越平凡越開心

黃光亮，擁有一副凶神惡煞的樣子，但其實他很有書卷氣，閒時都會看書，他跟已故的「一代鬼才」黃霑（霑叔）有一段淵源。黃光亮早前接受陳圖安主持的港台節目《安哥同學會》的訪問，他表示一直很欣賞霑叔有才華又不文，就算講粗口都講得好好聽，於是向他拜師，做黃霑的徒弟，「我識佢嘅原因，係我同佢喺電影踫過頭，但搵唔到機會拜師。有一晚，我哋喺酒廊，大家飲到咁上下，我就跪咗喺度，斟咗三杯酒畀佢，當時好多人睇到，佢因為醉咗，所以是但就飲咗，佢想後悔都後悔唔到，哈哈！」

{{hket:inline-image name="20.jpg"}}{{/hket:inline-image}}

{{hket:inline-image name="13.JPG"}}{{/hket:inline-image}}

成為黃霑的徒弟，黃光亮笑言沒甚麼東西學，「有時我飲到（凌晨）1、2點就打畀佢，『師傅，瞓未呀？』佢話未，仲叫我上去佢度，跟住開多枝XO酒添！佢話『你成日去唱歌，嚟嚟嚟，試吓！』佢就彈琴，我就唱《問我》，唱咗兩句，佢叫停，話幫我安排去林祥園（著名唱歌老師）學聲樂，學10堂啦！仲有叫我學10堂打鼓，我問點解要學打鼓，佢話我一啲節奏都冇……跟住叫我寫字，叫傭人磨墨，我哋就係咁玩。」

做唔番惡人 黃光亮摸陳煒玉腿被嫌棄【下一頁】

黃光亮從影多年，多數飾演「惡人」角色，1987年拍攝電影《監獄風雲》，憑「傻標」一角獲提名《第7屆香港電影金像獎》「最佳新人」，而在1990年代，演出《我愛玫瑰園》等劇集，2012年再獲無綫邀請拍攝劇集《老表，你好嘢！》，之後演出《以和為貴》、《火線下的江湖大佬》，至今年亦為ViuTV拍攝劇集《無限斜棟有限公司》，不過他卻以「業餘」來形容這份演藝工作，稱至目前為止，自己仍未有一張亮麗的成績表，反而覺得人生越平凡越開心。對於自己有「影壇四大惡人」稱號，黃光亮坦言不會感到壓力，認為這是行業的宣傳、把戲，但的確有人覺得他很惡，他直言不會活在別人的「覺得」入面。

{{hket:inline-image name="16.jpg"}}{{/hket:inline-image}}

{{hket:inline-image name="18.jpg"}}{{/hket:inline-image}}

{{hket:inline-image name="19.jpg"}}{{/hket:inline-image}}

【享受退休】黃光亮處男出歌圓夢發放正能量 「好多唔開心一轉眼就過去」【下一頁】

提到當年拍攝電影《監獄風雲》時，黃光亮透露只是收了一封「利是仔」，真是「講心唔講金」，他說：「當然係幫老友啦！《監獄風雲》之後，有人肯畀好多錢，幾好喎！可以搵吓錢，生活到喎！但5、6齣戲之後，我就發現（做演員）好被動，我想下一部做男主角，但好被動喎，唔係我想做乜就做乜，所以我停咗10年冇拍戲，原因係我收到劇本，叫我客串3日，我問佢7日得唔得呀？因為我想演戲吖嘛，3日戲根本冇嘢演，都唔過癮！我話『畀多10萬蚊你，你幫我寫多5日戲！』我真係咁講。其實都係演反派角色，我話可唔可以唔用張眉努眼嘅演法，對方話唔得，咁我話唔做喇，所以冇拍10年。」黃光亮厭棄張眉努眼、說話大大聲的演繹方法，他一心去求變。

撰文：黃曉妍

同場加映：【娛樂直擊】 Jeremy＠MIRROR單飛出活動嗌緊張手震 26歲生日獲「獨角獸」送專屬生日歌

{{hket:ul-video id="4095"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】