始創中心秋日獻禮 參加「登月大作戰」贏月餅

中秋佳節除咗食月餅，當然要玩下燈籠啦。黛安收到風，旺角始創中心將舉辦「秋日星月獻禮」，今日起至今個月底會有連串秋日活動，有得玩又有得食！

公關姊妹話，活動期間以電子貨幣消費滿$100，或FUN享卡會員憑500積分，即可參加「登月大作戰」遊戲，玩法非常簡單，只要利用發射器將兔子射向指定位置，若有兩隻登陸月球即可獲得大獎，即使只有1隻射中都有細獎，獎品包括Häagen-Dazs™星‧復古／星‧明月雪糕月餅禮券（9月3日至20日）、望月經典奶黃／流心奶黃月餅禮券（9月3日至16日），以及閃光頭飾。

另外，今個月12日只要喺場內消費滿$100，更可參加光影花燈工作坊，製作精巧嘅光影花燈，中秋節可以攞住自製花燈去賞月啦！獎品有限，唔好錯過呀！