張嘉兒兩女氣管敏感嚴重氣喘 為親自照顧 放棄機會辭演美劇

「世上只有媽媽好」這句歌詞，相信不少人由細唱到大，媽咪對仔女的愛，可謂完全無私奉獻。張嘉兒在社交平台發文，透露為了照顧氣管超敏感的兩個女，甘願辭演已應承接拍的美劇，放棄衝出香港發展的機會，三母女留在家中一齊對抗病魔。

{{hket:inline-image name="misskayicheung_180982981_484571252785524_7549875247001256711_n.jpg"}}{{/hket:inline-image}}

{{hket:inline-image name="misskayicheung_202954493_613505086294247_7632155572480681541_n.jpg"}}{{/hket:inline-image}}

2007年港姐冠軍│張嘉兒兩個愛女充當消脂神器 豬扒變靚太 慨嘆：「瘦得太遲」【下一頁】

張嘉兒是2007年港姐冠軍，一度被網民封為「豬扒港姐」，可是她未有介懷，越大越靚。2015年9月她嫁給圈外男友Nathan，現時育有一對女兒，大女Leora（4歲）及細女Hannah（2歲）；期間發現女兒遺傳其氣管敏感，及爸爸的食物敏感，不能吃麥類、奶類、雞蛋、芝士及乳酪等。近日Leora及Hannah先後患上傷風，出現喘氣情況，經醫生檢查後提議留在家中用霧化器協助呼吸；一向家庭放首位的張嘉兒，決定向製作公司提出辭演，放棄已應承拍攝的美劇。

陀槍師姐2021｜許紹雄張嘉兒相差35歲演夫妻 TVB劇中老夫少妻都有圓滿結局？【下一頁】

張嘉兒在網上留言：「普通一次傷風，對我兩個女來講，就一啲都唔普通，因為佢兩個氣管超敏感，今次兩個都要用nebulizer（霧化器）。家姐星期一喘氣，今日好番，算好快康復，跟住傳染咗畀妹妹；今日輪到妹妹喘氣，帶佢去醫院，醫院話屋企有nebulizer，仲好過留院，因為而家有疫情，醫院都唔能夠提供呢個（留院）服務。原本今個星期要參與一齣美國劇集拍攝，都要退出。冇嘢比照顧佢哋兩個緊要，其實之前睇過中醫，都已經戒晒凍嘢，連佢哋最鍾意嘅雪條，而家都唔食，真難搞。#氣管咳 #氣管敏感 #冇嘢比健康更重要 #希望佢哋越嚟越強壯」

（↓點擊放大睇圖片↓）

張嘉兒接受《晴報》電話訪問，她表示兩個女已康復八成，只是不明白每次工作都會發生同類事情，早前港姐去扒龍舟女兒就試過發燒。至於辭演要否需要賠償？張嘉兒說：「唔使，因為我個角色係唔連戲嘅客串角色，所以唔使賠錢，大家可以放心。同埋事前簽了協議，唔可以透露太多，唔好意思！（有冇影響到劇組？）又冇咩影響佢哋，因為係客串角色，唔係太大影響，劇組都明白。（失去衝出香港機會？）我心態唔係要衝出香港，想見識一下，若果唔得都冇辦法，Family first加上timing唔啱，因為佢哋又病，呢幾個月又冇傭人姐姐幫手，所以需要留喺屋企照顧佢哋。」

撰文：梁榮達

同場加映：《全民造星IV》丨96位女參賽者強勢誕生 193妹余香凝妹成焦點

{{hket:ul-video id="4054"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】