劉嘉玲曬夫｜梁朝偉chok盡電眼魅力絲毫不減 招牌凸字形髮際線消失有蠱惑？

Marvel第一齣套華裔超級英雄片《尚氣與十環幫傳奇》（下稱《尚氣》，Shang-Chi and the Legend of the Ten Rings）在香港放映，不少影迷都想睇香港影帝梁朝偉、陳法拉以及元華的演出！而專為MARVEL推出figure人偶嘅Hot Toys，日前推出梁朝偉《尚氣》文武嘅造型figure，雖然人偶頭像有偉仔氣質，但就有粉絲指激似增髮後嘅李子雄！

{{hket:inline-image name="99d9a979eb5a3b1b68fa6990b5457bb4.jpg"}}{{/hket:inline-image}}

梁朝偉第一次進軍荷里活，近日佢仲為美國《GQ》雜誌影咗一輯有型硬照，連老婆劉嘉玲都忍唔住網上share！偉仔喺呢輯相chok到盡，唔少粉絲都留言大讚佢電眼依舊魅力不減，真係畀佢迷到暈暈地！美中不足係偉仔喺呢輯相中嘅「髮量」似乎有啲古怪，因為佢出道以嚟都有招牌「凸字形」髮線，但喺呢一輯相，偉仔額上嘅髮線就變咗「一字形」，烏黑之餘髮量仲好多，睇落就真係唔多自然！唔知係因為相片經過後製定係喺頭上做咗啲乜嘢手腳呢！

除咗宣傳新片，偉仔仲接受雜誌訪問，罕有地談及同父親嘅關係。梁朝偉提到任職夜場經理嘅父親喺佢7歲時三度離家出走，從此就再冇返屋企。喺1960年代末破碎家庭中成長，偉仔因家庭問題而變得性格內斂：「父親離開我之後，我唔知道點樣同別人相處，小時候身邊個個都談論佢哋嘅父親、家庭，佢哋童年有幾快樂……我諗我係由呢個時候開始拒絕同人溝通，變得非常壓抑。」

多年來梁朝偉甚少扮演父親角色，原來都同父親離家出走有關，佢話︰「曾經有人搵我扮演失敗父親嘅角色，但我拒絕咗，因為我唔想勾起父親點樣對待我嘅回憶……」擺脫童年時來自單親家庭嘅「羞恥感」，原來全靠同母親一齊睇電影。睇戲更令佢愛上羅拔迪尼路（Robert De Niro）、阿爾柏仙奴（Al Pacino）及真赫曼（Gene Hackman），又透露母親最喜歡阿倫狄龍（Alain Delon）。