酒店火警｜Staycation濃煙攻入酒店房 哮喘港男批無主動通知無疏散

到酒店staycation都是想享受假期，不過近日有一名男網民卻在staycation期間遇上火警，而濃煙更從走廊滲入房間，遂致電接待處查詢。酒員職員則解釋指同層有住客「煮嘢食煮燶咗」，著事主留在房即可。雖然最終未有釀成大火，但他卻不滿酒店職員沒有安排疏散住客，又稱自己本身患哮喘，沒有復發純屬幸運。

該名網民在Facebook群組「香港 Staycation 酒店交流谷」發文，指上月26日至27日與女友入住中環一間酒店，惟當晚11時許，斷斷續續聽到火警鐘響了兩次，之後更開始嗅到「燶味」，於是致電酒店接待處查詢，他憶述當時職員回覆：

「接線嗰個解釋話只係同層有人煮嘢食煮燶咗，唔使擔心留喺房就得，話有工作人員處理緊。 」

走廊濃煙湧入房間

但5分鐘後，事主發現有煙從外滲入房，打開房門看到走廊充滿濃煙，形容「能見度真係得大概5米」。他立即關門再度致電詢問，但致電兩次才有人接聽，他承認當時語氣亦帶點不客氣，惟職員指正處理事件，著他繼續等待。但他眼見房內濃煙越來越多，遂要求換房，

「我同佢講我間房都好大煙喇喎，佢話會安排工作人員帶我去換房。我嗰一下直接講我只等5分鐘，要求5分鐘內要有安排。」

事主稱，掛線一刻後聽到有人使用滅火筒的聲音，故認為「絕對唔係煮嘢食煮燶嘢咁小事」。他等待約9分鐘後，聽到走廊傳出其他住客的吵鬧聲，便再開門視察，看到濃煙已有消散跡象，能見度約有10米，於是他與其他住客到酒店大堂投訴，要求換房，「當然，換房搬行李完全係自己嚟」。

（↓點擊圖片放大↓）  

不滿酒店無疏散住客

事主批評火警絕非小事，不明白酒店為何無安排疏散，「我當reception （接待處）一開始唔知，但每一個工作人員都有對講機，知道有火之後，係咪應該疏散同層嘅住客？」

他透露自己本身患有哮喘，當時的濃煙恐怕會令他哮喘發作，

「好運係冇因為咁而再翻發，如果有乜事，邊一個負責？」

他亦不滿事發時沒有職員主動聯絡解釋事件，直至翌日才有經理向他們道歉，坦承當日處理不當，下次入住將贈送免費升級及茶點。

他補充指，當看到有煙滲入房間後，他和女友立即戴上新口罩，惟不足15分鐘口罩便已經變黑，而離開酒店後喉嚨痛了兩天，批評是「終極差、極度黑仔嘅一次體驗」。

網民：梗係走咗先

帖文引起網民熱議，許多人都認為事主得悉意外發生後，加上本身患有哮喘，應該要立即逃生自救，而非要求換房。另有網民呼籲，styacation時首要留意走廊的道生通道，以免不時之需。

（↓點擊圖片放大↓）  

承認判斷力差

事主後來補充，退房時經理解釋同層有住客因油炸食物「燶咗」，一時大驚之下用水救火，導致意外發生，「搞到幾大鑊我就唔知，但冇救傷車斷估應該唔大鑊。」他亦承認自己當時判斷力差，惟仍認為酒店的處理手法不當，

「事發嗰吓，我真心都嚇一嚇。或者好多人覺得我低能見煙都做乜唔即走，仲因為一開始聽佢講話冇事就信晒，只不過我覺得酒店方有責任去疏散啲住户。人唔夠？咁就咪熄咗個火警鐘囉。最起碼都咪叫我留喺房啩？」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】