王祖藍爆女兒見親男人亂認爸爸 為曾志偉返港：有人睇TVB好感動

王祖藍榮升無綫的首席創意官之後，一直主力推行綜藝節目的改革，早前推出《好聲好戲》和《識貨》等都有不錯的迴響。近日，他由內地工作返港接受七天隔離，在隔離期最後一日，特別與馬來西亞兩位主持人顏薇恩、潘毖伶做IG直播聊天，自爆是人生第一次IG直播，表示已經一段時間沒有飛到馬來西亞，對於兩位主持對由他監製的節目讚不絕口，他說：「原來馬來西亞仲有人睇TVB節目，真係好感動，我要喊喇我！」

同人唔同命｜王祖藍賣萌呃負評「引人犯罪」 姜濤扮貓粉絲想收養：得你咁可愛【下一頁】

{{hket:inline-image name="3747d2cd-c5c5-4cf2-ab91-fd6e8c3163c9.jpg"}}{{/hket:inline-image}}

王祖藍的出現，不少網友都起他的「慳啲啦Baby」、《老表，你好Hea》蔡芯等經典角色，但他說：「冇演出喇！呢啲全部都係我嘅遺作。做咗管理工作之後，我哋呢啲老人家就要培育下一代，無謂阻住個地球轉。」有人建議參考外國節目的做法，將管理層的運作拍成真人騷，令觀眾了解無綫藝人大合照的排位或者內部是非。王祖藍奸笑說：「首先呢樣嘢要其他管理層同意，如果其他高層都畀埋你睇……就真係好睇喇！咁多年TVB高層嘅謠傳真係真？點樣雪藏一個人呢？我以前點被人雪藏？點樣加人工？點樣減騷錢？我終於知道點解……嗰啲拍出嚟真係好睇到不得了，但我真係接受唔到囉！」

他同時直呼自己是「大灣仔」，面對國產劇、韓劇的衝擊，面對很多不同的競爭，「講真，好多內地節目邀請我，但係我要返TVB，所以冇晒錢搵！始終對TVB仍然有感情，而自己喺內地發展都十年時間，將學習到嘅綜藝（製作方法）帶返TVB，訓練入面嘅人，始終市場唔同咗，希望TVB可以（重新）接軌番綜藝大市場。」

《好聲好戲》謝師宴│王祖藍宣布台慶後再開第二季 請梅艷芳御用配音員出山壓陣【下一頁】

王祖藍表示早前舉家移居上海，「拍《做家務的男人》（內地劇）之後，香港仲有好多疫情（個案），咁諗住留多一排，點知太太有咗，不如生埋先，生完之後不如讀埋書，已經一心唔諗返香港。如果唔係曾志偉一通電話，我係唔會返。」他稱因疫情關係有四個月沒有工作，幸好內地對防疫監管做得嚴謹，最終其內地公司的業績逆市上升三成收入，「好彩上年賺到啲，唔係今年點樣喺香港燒錢？（管理藝人好難？）梗係難啦！而家個個係藝術家，個個有自己諗法，我要尊重，但又要有我嘅經驗判斷，而家啲後生仔唔聽老人家講，有代溝。」

{{hket:inline-image name="f714b787-7580-4fdb-9dbe-61adaf965db3.jpg"}}{{/hket:inline-image}}

直播期間，王祖藍被網友笑越來越似成龍，他即時扮成龍的招牌動作，又稱比房祖名更似成龍。其中一位幸運粉絲加入直播時，被網民發現跟王祖藍好似樣，兩人擺同樣表情，實在有9成似！王祖藍即時以兄弟相稱。

有人問到會否擔心女兒被爸爸𠱁得開心，好難搵到幽默的男朋友，祖藍指囡囡1歲半就學識玩抖音，他說：「我老婆話我知，之前返內地個幾月時間，我個女唔知係咪缺乏父愛，只要屋企有男人客人，佢就即刻走埋去叫爸爸然後錫佢！我真係唔可以離開屋企，佢好快跟佬走，可能我喺香港太忙，時間上佢根本見唔到我。個女好羨慕人哋有爸爸，呢個係我嘅錯，實在好擔心……」

同場加映：藝員訓練班│馬浚偉首任校長著重學員操守品德 「尊重行業 唔好以為自己係明星」

{{hket:ul-video id="3994"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉