同人唔同命｜王祖藍賣萌呃負評「引人犯罪」 姜濤扮貓粉絲想收養：得你咁可愛

現年41歲嘅王祖藍近年不時都要到內地工作，儲落唔少粉絲嘅佢一向都好樂意喺社交平台同粉絲分享自己同老婆李亞男嘅日常。出名「愛妻號」嘅王祖藍近日雖然同老婆分隔兩地，但都post咗一條「老婆視角」短片解相思之苦兼娛樂網民。就咁睇好sweet，但就令到一眾網民拳頭都硬晒，到底佢做咗啲咩呢？

{{hket:inline-image name="LiK0J9VSY22BMtCCaaKxgE0dDc7cM9ciqfLd_Kny3fw.jpg"}}{{/hket:inline-image}}

王祖藍喺片中負責洗碗，點知唔小心打爛碗碟，隨即扮可愛耍冧。見着上圍裙、戴上公仔頭箍嘅佢，做齊各種心心手勢，又瞇眼嘟嘴，非常惡頂。本來鏡頭後嘅「老婆」輕輕摸頭，但最後都係頂唔住，一手將佢推開，相信唔少網民都會好明白點解「老婆」會有呢個舉動。

同人唔同命，細王祖藍近廿年嘅姜濤最近為電子支付平台做代言人，更獻唱歌曲兼化身「姜喵」跳「貓貓舞」；廣告非常洗腦，一眾姜糖都「心心眼」，仲引起翻跳熱潮。今日（24日）佢喺社交平台上載拍廣告時嘅NG片段，恨做「姜Man」嘅姜濤面對cute爆造型同舞步，跳到一半都忍唔住笑，睇落好似好尷尬咁。拍攝期間姜濤又要輕輕掌摑自己，提醒自己要貓貓「上身」，佢留言：「我是一隻貓，我相信我是一隻貓，我相信我是一隻會跳舞的貓。凌晨不知道幾點，我堅信我就是那一隻貓。」

完成舞步後，姜濤大呼「成功收工！」雖然自己覺得好尷尬，但一眾粉絲都大讚佢可愛，話「捨佢其誰」，其他人一定做唔到咁得人歡心嘅效果，仲話佢係呢件事嘅最合適人選：「係得你先carry到呢件事」、「太可愛的貓，好想拎番屋企養」、「睇到心動又面紅」。同樣係做啲會令人「尷尬癌」發作嘅事，相信只得姜濤一個先可以令一眾女士心花怒放，嗌晒「救命」！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】