35歲之約｜鄭欣宜傳即將繼承肥姐全部遺產 靠自己事業有成不負母親所望

沈殿霞（肥姐）生前患有糖尿病和高血壓，2006年因為健康狀況問題而暫時停止其演藝工作，同年進行了通膽管手術，其後證實罹患肝腫瘤，2008年終不敵癌魔病逝，遺下佢嘅掌上明珠，當時年僅21歲嘅鄭欣宜（2008年）。外界以為頓失依靠嘅佢會接收肥姐大筆遺產，但原來肥姐早有預備，有人透露欣宜被規定要35歲以後先可動用媽媽嘅遺產，在此之前每個月只能從中提領港幣2萬元作生活費。

{{hket:inline-image name="0f3726fd-5ff4-4cde-b2b9-79387544c6aa.JPG"}}{{/hket:inline-image}}

現年34歲嘅鄭欣宜再過1年就可以繼承母親全部遺產。不負母親所望，多年嚟佢憑自己嘅實力闖蕩歌壇得到理想成績，發表新歌《先哭為敬》反應熱烈，奪下各家音樂電台、音樂榜成為五台冠軍歌曲，再加上2月發表的〈@princejoyce〉也登上五台冠軍歌，打破紀錄變成一年內兩首歌都贏得五台冠軍的歌手。

鄭欣宜日前出席「新城30+集體回憶音樂會」音樂會，欣宜選擇了向梅艷芳、張國榮等歌手的歌曲致敬，佢謙虛地表示自己唔可以同前輩相比：「我覺得好威威可以唱呢幾位超級巨星嘅歌曲，同佢哋一定爭好遠，原版大家都聽到熟曬，冇得比較，但盡量以自己方法唱好佢。」對於自己將會繼承媽媽遺產嘅報道，欣宜表示每隔一段時間就有類似報道：「出過幾次，20幾歲出一次，30歲又出一次，其實不斷改我年紀，我覺得冇乜所謂。我發覺無論我幾多歲都好，都會有呢啲報道出嚟，咁我唯有做好我表演者嘅角色，做好我工作，唱好我嘅歌，我覺得真心錫我朋友唔會因為某啲報道唔會唔鍾意我。」

欣宜喺媽媽離世後一度窮到戶口僅剩港幣26元，仍沒有求助過爸爸鄭少秋，尤幸肥姐生前人緣甚佳，唔少世叔伯都好疼愛欣宜。其中大哥鄧光榮更加開聲為欣宜「出頭」。2008年鄧光榮公開要求沈殿霞前夫、欣宜生父鄭少秋上台交代，多年嚟冇理會沈殿霞同照顧女兒鄭欣宜，當時台下有觀眾掌聲如雷，不過欣宜就表現尷尬，事後有網民則覺得佢發表言論場合唔合適。

事隔多年，欣宜已經可以自理自位唔使靠人，更靠自己喺樂壇闖出一片天，唔少人都因為見到欣宜嘅努力對佢刮目相看，又點會因為呢啲報道而唔鍾意佢呢！

圖片來源：東星娛樂

同場加映：藝員訓練班│馬浚偉首任校長著重學員操守品德 「尊重行業 唔好以為自己係明星」

{{hket:ul-video id="3994"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】