尹天照手遊廣告向《殭屍》致敬 造型勁似況天佑：老闆都係殭迷

現年56歲的尹天照拍過三輯《我和殭屍有個約會》，其「殭屍」況天佑形象早已深入民心，和「馬小靈」萬綺雯更是電視界的其中一對經典CP，至今二人的魅力依然強勁。阿照近日獲一款手機遊戲邀請擔任代言人，成為當中的「獵魔大使」，見他戴上黑超及穿上黑皮褸的造型，衣着打扮十足當年的「況天佑」；加上他身形一樣咁fit，跟1998年的第1輯《殭屍》相比，尹天照近乎冇走樣，相信廣告又會勾起殭迷不少回憶。

{{hket:inline-image name="1024_d2fd764b3c014dd4623f114404439702saasftp20200221.jpg"}}{{/hket:inline-image}}

{{hket:inline-image name="08251009.jpg"}}{{/hket:inline-image}}

【《我和殭屍有個約會》況天佑】尹天照昔日拍劇最不滿無綫藝人 曾因血癌老婆崩潰靠信主撐下去【下一頁】

今次的廣告不單止人物造型向《殭屍》致敬，就連主境也在酒吧內拍攝，令人聯想到劇中「白蛇」麥景婷所開的Waiting Bar；加上廣告宣傳語句亦用了「我和『惡魔』有個約會」，殭迷應該會睇得幾過癮。對於今次代言廣告帶有極濃《殭屍》味道，阿照接受《晴報》電話訪問時表示：「基本上每次拍廣告，佢哋都係要呢個形象，因為呢班老闆都係殭迷。當然佢哋都想搵番當年嗰件好厚嘅皮褸，而家呢件薄好多，仲連帽，但冇計搵唔到；同埋Waiting Bar唔係咁嘅燈光。」

尹天照鐵口不再約殭屍 積極慈善照顧病妻【下一頁】

阿照對鍛鍊身體從不偷懶，他每朝會跑幾公里路，有時間就去舉重，所以身形一直保持最Fit狀態。問他拍攝前有否再加操？阿照笑說：「有，拍前1星期梗要加操，盡量想以最好狀態出嚟見人。（多年冇變靠做運動？）一星期會做5日運動，冇戒肉，閒時都有飲少少酒，只係冇再出去同人『劈酒』。（今次廣告中做獵魔者？）我講過唔再演殭屍，但我可以趕鬼同捉殭屍，呢啲都係對抗撒旦，所以冇問題，總之唔再演殭屍就ok。」

（↓點擊放大睇圖片↓）

提到早前跟好友張文慈開工時，他罕有以道士Look出鏡，令一眾殭迷大感驚喜。阿照透露稍後時間會返內地為另一齣新戲開工，現在等待劇本完成，因為最近內地在審查劇本時比較嚴謹，「預咗到時隔離會上網買啲運動器材，送去酒店房間度做運動，其餘時間就專心睇劇本。」

撰文：梁榮達

同場加映：劍擊童星│吳諾弘興奮出活動感激獲平反高度 與女神林明禎互動唔怕女友呷醋

{{hket:ul-video id="3990"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】