【從來無後悔】尹天照直認演殭屍無「火」唔好睇 「但係火得滯可能會影響其他人」

尹天照98年拍攝亞視劇集《我和殭屍有個約會》聲名大噪，更獲封視帝，該經典劇亦成為一代人的集體回憶；不過人紅自然多是非，當時尹天照有不少負面新聞傳出，直指他性格火爆經常在片場發脾氣，得罪人多稱呼人少。尹天照日前接受苑瓊丹節目訪問時，直認當時要靠一團「火」來演繹角色，但有人不明白更和他反面，尹天照揚言沒有後悔這樣做。

相關新聞：【《我和殭屍有個約會》況天佑】尹天照昔日拍劇最不滿無綫藝人 曾因血癌老婆崩潰靠信主撐下去

{{hket:inline-image name="DSC1.jpg"}}{{/hket:inline-image}}

（大會提供）

{{hket:inline-image name="DSC2.jpg"}}{{/hket:inline-image}}

（大會提供）

尹天照當年飾演的性格殭屍況天佑深入民心，但他的火爆性格令到不少人卻步，直至2010年，尹天照身體突然出現類風濕痛症，太太Teresa又患上血癌，結果2011年與亞視約滿後便淡出了幕前，專心照顧太太。而早年，尹天照更成為了一名虔誠基督徒，不時和別人分享自身的見證，由於信仰的關係，尹天照決心不再接拍有關殭屍題材作品。

{{hket:inline-image name="8f82ab1bgy1ghnsv9b5ggj20u0140grr.jpg"}}{{/hket:inline-image}}

（微博圖片）

{{hket:inline-image name="8f82ab1bgy1gfmwrh67cyj20u0140tf1.jpg"}}{{/hket:inline-image}}

（微博圖片）

日前尹天照接受苑瓊丹主持的《開工大吉77》訪問，被追問當年片場「發脾氣」一事，尹天照亦不介意分享內心世界：「當年試過一次拍戲，剛剛先拍完第一Take，點知個助導走埋嚟第二稿、第三稿，我心諗我做比你！我將每一稿嘅優點溝埋演比你，但最終啲人都同你玩反面。其實呢啲嘢冇啱定錯，我冇後悔過。作為一個演員，如果冇火嗰角色唔會好睇，但係火得滯可能會影響其他人，點樣火點樣拿捏就要靠時間。」

{{hket:inline-image name="8f82ab1bgy1ghi7jlyvdpj23s051cu12.jpg"}}{{/hket:inline-image}}

（微博圖片）

{{hket:inline-image name="1.jpg"}}{{/hket:inline-image}}

（IG圖片）

被苑瓊丹稱為「一哥」的尹天照，他指當年離開電視台外闖，可惜老闆投資股票失利，令計劃觸礁，他表示：「我返去Sell林伯（(當時亞視總裁林伯欣），佢都決定開拍，好在收視好好，拍完之後我就出去再闖搵食、返內地拍戲。決定離開都冇話啱定錯，就當你鋪排得好好，依家又會點？依家間電視台都唔喺度啦。」尹天照坦言有其他電視台接洽，奈何制度令他放棄簽約：「初步傾都知自由度有問題，算啦都過咗去。」

{{hket:inline-image name="69d31bc3jw1f7svg04uh2j20dw0iw768.jpg"}}{{/hket:inline-image}}

（微博圖片）

苑瓊丹自爆當年尹天照曾勸他「信教」，但最終失敗而回，但他的性格亦因宗教而改變：「我嘅改變係因為我依家嘅宗教，當時太太有病，我搵唔到任何嘅方法去幫佢，咁啱有個朋友，佢有癌病但決定唔再睇醫生，我鬧佢黐綫，佢就同我分享教會見證，我就去教會睇吓搵個當事人，因為呢一件事，我認為唯一出路就係靠耶穌。」

{{hket:inline-image name="8f82ab1bgy1gfodw6d5c6j22402tchdw.jpg"}}{{/hket:inline-image}}

（微博圖片）

苑瓊丹就話尹天照演技高超，仲話對方走到鏡頭前，會「鬼上身」：「我試過有一次得埋位，同其他人圍埋吹水，點知睇見佢做戲，不知不覺比佢吸咗眼球！我估佢最唔順超就係捉唔到我返教會，唔知佢仲有冇恆心說服我呢？」

撰文：倪小珊