麥當勞App周年慶 為鏡粉送上滋味選擇+籃神卡

今日起去麥當勞除咗有至筍優惠，鏡粉仲有機會見到「籃神」。黛安知道麥當勞App趁周年慶，特別請來大熱男團MIRROR成員姜濤、Anson Lo（盧瀚霆）同Edan（呂爵安）齊齊賀壽。頭炮先由姜濤精選嘅電子優惠券為鏡粉送上滋味選擇，包括「$20歎9件麥樂雞配中汽水」、「$25歎巨無霸配中汽水」等，優惠由今日（23日）起做到星期日（29日）。同場仲有姜濤特意為姜糖準備嘅全新「煎蛋安格斯」，配埋中汽水只售$29。

此外，今日起喺推廣期內透過MIRROR成員專屬嘅電子優惠券惠顧，仲有機會隨機得到「籃神卡」﹗造型跟足之前3位成員為麥當勞拍嘅微電影大姜真愛《男兒爭入樽》角色，見到姜濤、Anson Lo同Edan着住紅色麥當勞球衣型爆入樽，黛安都好心動啊。