由七仙羽師傅主持的ViuTV 節目《七救星》，今次要打救「購物狂」杜如風，她表示要七師傅幫她減低購物慾，她說：「我見靚嘢就買，如果唔啱我size，我都會買。」七師傅向她表示不用擔心，甚麼事都能化解，但要即場拿走她的手袋，杜如風有點不願意，並說：「我覺得好奇怪，佢攞我手袋做咩呢？但我又想佢可以改變我嘅購物慾，信佢一次啦！」七師傅解釋：「呢個手袋我唔會要㗎！我只係暫時保管。」 原來七師傅將自己的絲巾和杜如風的手袋賣掉，購買物資和日用品捐給基層市民，杜如風說：「我覺得好有滿足感，好似幫緊好多人，原來一個手袋可以令咁多人開心，咁我買多幾個，再捐多幾個出嚟。」
七師傅批算杜如風的命格難以聚財，就算有錢，最後都會破財，還反問她的錢用在哪裡？杜如風說：「我以前日日買衫，最勁嗰次係用咗35萬，嗰次我阿媽第一次剪我張信用卡。」七師傅之後再指她的好運差不多用完，將來需要奔波，又看到她的伴侶運有點麻煩，凡找的男人都要跟其他女人搶，由於她是七殺格，會有不正常的婚姻，七師傅表示伴侶的年紀有機會比她細，杜如風即說：「我係鍾意細，我所有男朋友都細過我，而家單身咗9年。」
中女唔易做｜杜如風認老執貨手忙腳亂慢幾拍 第一日返工就「扮工」 因咩事喊？【下一頁】
七師傅於是帶杜如風另類Shopping，就是到香燭店測試她的購物反應，殊不知，杜如風在店內看到祭品表現雀躍，拿著童裝紙紮衣裳，她都示意「呢件好靚」、「件女裝又幾靚喎」、「嘩，呢對鞋係名牌嚟㗎 ，之後又嚷著要1000億陰司紙，七師傅指她完全經不起引誘，連「死人嘢」都照搶，事後杜如風說：「買咗先啦，我驚第時落到去地獄，冇舖頭畀我買嘢，如果我而家自己揀定我鍾意嘅先，我死咗之後，可以攞番我鍾意嘅嘢嚟用。」有網民留言笑指：「杜如風話買定啲衫自己第時著，笑死，睇黎佢要先買定個倉放住啲『未來』著的衫至得。」、「佢到時就嫌唔係新款啦」。
為了繼續測試杜如風，七師傅帶她到一間較平宜的服裝店，訓練她的專注力，抑制購買慾望，不過杜如風笑說：「我一定買到嘢！」她看中一件外套，七師傅拿著籐條打這件外套，她說：「佢太誘惑，要打佢，係佢嘅錯。」不過七師傅的眼睛亦向店內的衣服掃瞄，而杜如風為七師傅找到一條靚裙，急不及待試穿的七師傅說：「我一定要高貴、優雅，咁我就要呢件，我要買呢件。」趁七師傅換衫之際，杜如風舉起V字手勢，帶點得戚笑說：「我成功咗，結果我搞掂埋師傅，有一種好成功嘅感覺，可以說服到『你帶我嚟？我就帶你去買衫』。」離開的時候，七師傅拿著戰利品，笑笑口步出店外，杜如風在後面邊行邊手掌。事後七師傅解釋：「我買嘢係為咗幫助嗰間舖，刺激生意，種善因，得善果，因為我嘅出發點係想幫呢間舖頭，結果買咗呢件衫，個個都話靚囉！
杜如風「阿嬸扮老泥妹」仆親下巴 孖梁漢文老婆用生命值踩blade【下一頁】
今日，七師傅在IG上載與杜如風的片段，還貼文：「百分之99.99的觀眾建議我和杜如風一起拍攝節目，what do u think？」不少fans留言表示支持兩人合作拍節目。由於七師傅早前曾上載與姜濤、Anson Kong、強尼的「斬頭」合照，所以有人將焦點放在七師傅和杜如風的頭部，「齊頭都會斬頭，好可愛，七師傅人緣真係好，個個嘉賓都咁鍾意你。」
撰文：黃曉妍
同場加映：【娛樂直擊】謝賢狄波拉撐霆鋒新片《怒火》 「好耐冇見兩個孫睇怕唔認得」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】