新片《怒火》首映│謝賢狄波拉少見謝霆鋒掛到想喊 「驚兩個孫唔記得我呢個爺爺」

電影《怒火》昨晚（16日）舉行首映禮，雖然主角謝霆鋒和甄子丹因身在內地宣傳未能出席，不過香港的首映禮同樣星光熠熠。譚耀文、袁富華、胡子彤、吳浩康等都有出席，而謝霆鋒的父母謝賢（四哥）和狄波拉都有結伴出席撐囝囝，場面非常熱鬧。前妻狄波拉都有扶住四哥上落舞台梯級，又在拍攝前後為他整理口罩，老友鬼鬼。

虎父無犬子︱張栢芝100%支持大仔Lucas入行 冀望超越謝霆鋒：比我和他爸更好【下一頁】

{{hket:inline-image name="3bed1e28-847b-49bf-a842-82c1ddf27a8b.jpg"}}{{/hket:inline-image}}

{{hket:inline-image name="56e71c18-296c-49a0-ad17-458b080581bd.jpg"}}{{/hket:inline-image}}

{{hket:inline-image name="af11d3a6-2b76-4554-9b15-2d15fbf6189c.jpg"}}{{/hket:inline-image}}

四哥同拉姑一齊接受訪問，謝賢表示今次現身是為了支持囝囝謝霆鋒，他說：「霆鋒忙得濟，冇法子見到佢，佢根本唔喺香港，工作真係幾忙。」拉姑直言好掛住霆鋒，剛才見到霆鋒的照片就已經想喊，因為疫情的關係，要跟他相隔兩地；而且霆鋒工作又忙，好難有機會碰面。拉姑直言有吩咐霆鋒好好照顧身體，但四哥笑言：「唔使錫身，得呀喇佢，鍾意呢行吖嘛！」

問到有沒有見吓兩個孫仔Lucas同Quintus？四哥說：「兩個孫？我唔記得咗喇喎！見過一、兩次，我驚見到我都唔記得我係邊個，佢哋認唔到爺爺，將來喺街度問邊個係爺爺。（視像見面？）好少好少！」拉姑解釋由於孫仔要返學，學業比較忙碌，所以很難夾時間見面。

謝霆鋒回港即有新歡上場做阿四 克服過敏症親自幫愛犬洗Pat Pat【下一頁】

同場的周勵淇（Niki）產後首次在香港現身，她直言過往一段時間由於疫情的關係減少活動，加上誕下兒子，所以甚少公開露面。Niki稱囝囝尚算不錯，不敢讚他，但由於照顧孩子的關係，自己生活習慣都有改變，「我生活健康咗，我而家每晚11點就瞓覺，5點半就起身。選擇工作都有少少考慮地區同時間性，不過有好劇本就忍唔住。BB都大喇，而家1歲幾，由屋企人照顧就可以，所以我嚟緊喺香港拍戲開工。」

Niki表示昨日帶BB去玩水，「佢第一次落水，估唔到佢唔驚，好大膽，我仲驚過佢。佢而家好多嘢講，識得叫爸爸媽媽，亦識得講好多食物名，因為佢太鍾意食，所以佢比同年BB重少少，（同家姐周汶錡啲仔玩？）有呀，表哥好錫佢，我個仔又好鍾意同佢玩，不過始終年紀相差一段距離，大個少少應該會玩得好埋。」

同場加映：劉青雲古天樂郭富城三大影帝 拍攝《掃毒3》因疫情遇波折

{{hket:ul-video id="3894"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

 

責任編輯：楊安莉