虎父無犬子︱張栢芝100%支持大仔Lucas入行 冀望超越謝霆鋒：比我和他爸更好

張栢芝同謝霆鋒2012年離婚，離婚後栢芝都好享受一個湊兩個嘅生活，不時都喺社交平台大方分享家庭生活。不過當大仔Lucas開始大個，栢芝就開始減少佢嘅出鏡率，粉絲想「窺探」呢個明星家庭嘅生活就變得唔再容易。

{{hket:inline-image name="bkn-20210715110251105-0715_00862_001_05b.jpg"}}{{/hket:inline-image}}

不過近年栢芝多咗參與內地節目，一向坦蕩蕩嘅佢喺近日拍綜藝真人騷《讓生活好看2》時都唔介意多次公開講家庭事！無論係幫阿仔搵學校去面試，定係阿仔拍拖都大方分享，終於可以滿足到粉絲對佢一家嘅好奇心。今次栢芝更加講到明撐今年14歲嘅大仔Lucas入行做明星，同父母行同一條演藝路。

近年唔少星二代都跟隨父母腳步加入娛圈，節目中就有人問栢芝如果囝囝同自己講想入行會點睇，栢芝就即刻話佢完全唔抗拒。栢芝表示雖然想阿仔可以單單純純咁讀好啲書，然後再搵個女友簡單咁結婚生活，不過自己一向都尊重小朋友嘅諗法：「如果我兒子真的很想去做娛樂圈，比我或者是比他爸爸更好的話，我會百分之百支持他。」聽到在場女星個個都點晒頭，似乎好認同栢芝嘅育兒方法。

不過栢芝就話阿仔冇同自己透露過大個咗想做咩，而家嘅Lucas好純良，冇咩企圖心：「他不喜歡傷害別人，也不想要跟人家有鬥爭，反正他做好自己和想要做的東西就夠了，他不會理人家怎麼去看他。我覺得兒子有那麼單純的心態就已經非常感恩了。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】