置地廣場看花井祐介藝術展 勉勵港人乘風破浪

公餘時候睇下藝術展，吸收藝術文化氣息，係提升個人修養嘅重要一步。黛安平時好鍾意行嘅中環置地廣場，最近邀請咗日本知名藝術家花井祐介舉辦歷年最大型嘅海外個人展，今次展覽嘅點題之作《FACING THE CURRENT迎浪當下》，係花井創作生涯中最巨型嘅3D立體雕塑，用上佢最愛嘅衝浪做主題，比喻人生大部分情況都係難測嘅，需要與風浪搏鬥。

花井鼓勵大家乘風破浪之餘，亦向疫情下不隨波逐流、勇敢奮鬥嘅人致敬。

花井另一展出嘅作品《WAKE UP BEFORE IT'S TOO LATE》，表面上只係一間屋仔，實際上係花井首個引入NFT嘅藝術裝置，作品經過區塊鏈加密後附數碼認證權及正版認證，係收藏價值極高嘅藝術品。