7-Eleven 8款迪士尼系列雙層杯 吸睛又實用

迪士尼有唔少人氣角色，粉絲眾多，公關姊妹同黛安報料，7-Eleven最近同迪士尼合作推出8款「迪士尼系列雙層杯」，5個人氣系列角色將會同大家見面！

呢個系列嘅雙層杯分為「半透明杯身」同「金屬啞面杯身」，各有4款選擇，每款分別印有米奇與好友、小熊維尼、《小飛象》、《愛麗絲夢遊仙境》和《101斑點狗》嘅公仔，隻杯夠輕又有防滑底墊，杯口闊大又易清洗，更可承受100℃高溫，內層係食品級304不鏽鋼製成，每一款都咁吸睛同實用。

8款「迪士尼系列雙層杯」喺後日（18日）早上7時起登陸7-Eleven，顧客喺7-Eleven分店購物滿$20即可獲印花1張，之後每$10可多獲1張印花，如此類推。除咗可以儲印花換購，yuu會員更有專享換購，只要用7,000yuu積分加$2即可隨機換到一個，作為粉絲嘅黛安，真係好想換齊一套啊。