挪亞方舟模擬升空體驗 遙控車馳騁森林

暑假就快放完，真係要把握放電機會。黛安知道，馬灣挪亞方舟即日起至本月29日，逢星期六、日都會舉行「夏日森動大歷險」，有多個模擬亞馬遜森林嘅場景畀大人細路探險，仲提供「揸飛機」體驗，小朋友可化身小機師，揸住模擬飛機翱翔天際。

公關姊妹推介要玩全港首創嘅「室內遙控越野攀爬車大冒險」，可透過特製嘅越野遙控車，同朋友諗計克服亞馬遜森林顛簸崎嶇嘅地形，而且有機會見到野生動物㖭；場內仲有梭織機畀大家體驗當地原住民嘅特色織布文化等。現時每張門票會送10張遊戲券，每個遊戲用2至5張遊戲券就可以參加喇。