麥當勞「奶茶控」消暑佳品 $8.5歎黑糖珍珠奶茶新地

呢個夏天咁熱，黛安最鍾意食雪糕消暑。話說麥當勞大受歡迎嘅「奶茶新地系列」又返嚟喇，啱晒奶茶控兼雪糕精，多款奶茶雪糕已經上市，優惠期內，大家仲可以用$8.5優惠價，享受黑糖珍珠奶茶新地，等大家用冰涼滋味融化夏日嘅炎熱。不過，優惠價推廣期有限，售完即止，想食就快行動喇！

今次推出嘅奶茶雪糕包括奶茶（/扭紋）新地筒、黑糖珍珠奶茶新地同黑糖珍珠奶茶麥旋風。其中黑糖珍珠奶茶新地就係奶茶新地嘅基礎上，再加入煙韌黑糖珍珠同香甜黑糖漿，保證食落甜甜蜜蜜。至於黑糖珍珠奶茶麥旋風就將奶茶新地、黑糖珍珠同Oreo曲奇攪碎混和，除咗入口即溶嘅甜蜜，仲可同時享受Q彈同鬆脆口感，絕對係消暑佳品！

此外，麥當勞App下星期起會推出不同驚喜優惠，深受歡迎嘅雙層洋蔥牛蛋飽會再度登場，仲有「$29歎雙層洋蔥牛蛋飽超值套餐」，到下午茶時段仲有「$17歎芝蛋脆雞飽配飲品（細）」同「$18歎原味麥炸雞配蘋果批」優惠㖭，絕對係又平又抵食。