智能愛人｜麥美恩天台喊戲情緒爆發勁好戲 獲視后李佳芯教路：佢知點去拍

麥美恩（Mayanne）昨晚（5日）在劇集《智能愛人》中有超水準發揮，跟視后李佳芯（Ali）擦出不少火花，當中有笑亦有淚。特別是二人在天台傾心事一幕，她講到爸爸在媽媽空難喪生後，有整年時間無笑過，而自己不知道如何𠱁對方開心；直至有次有雀屎跌正在自己頭頂，爸爸當場笑了出來。熒幕上見到Mayanne由有笑容，後來越講越慘情，最後眼泛淚光話：「嗰刻我發現，原來我只要做一啲傻嘢、白痴嘢，就會引到大家笑……於是我成日笑，開心又笑，唔開心更加要笑，越唔開心更加要笑得越大聲……」面上雖然掛有笑容，但已見Mayanne眼濕濕，可謂笑中有淚。見到她的豐富表情變化，令觀眾感受到其角色其實不是如表面般簡單，內心亦暗藏一些經歷。

{{hket:inline-image name="08061004.jpg"}}{{/hket:inline-image}}

{{hket:inline-image name="08061001.jpg"}}{{/hket:inline-image}}

佛系心態等真命天子｜麥美恩因乜介意配偶係獨生子？ 吳若希幫手徵婚：我好難Sell㗎【下一頁】

Mayanne今日（6日）接受《晴報》訪問，她指戲中古家儀其實不是如表面一樣，內裡也有很多缺點，會慢慢滲透出來，「呢場傾心事差唔多係凌晨三點拍，因為戴隱形眼鏡令隻眼好乾，但同導演講都想試吓做。頭兩個take情緒唔係好啱，Ali話早啲畀對白我接，第3個take就拍到，一路講一路喊，眼泛淚光咁做，亦信導演安排唔使喊出嚟。自己有睇番網上版本和電視版本，電視出嚟感覺好大，真係代表到角色性格；加上都係第三集，不用做太多出嚟，自己睇完都滿意，朋友反應都好好，所以都鬆一口氣，當合格。」

《森美旅行團》傳不和｜麥美恩輸遊戲硬食麵粉喪鬧垃圾 吳若希得戚：「可以同我絕交」【下一頁】

對於Ali幫助帶入戲，Mayanne話：「佢始終有經驗過我，知道點樣去拍。嗰日係最尾先拍呢場戲，我又心急試過另一個方法，呢次變相攞到一個經驗。（有諗過喜劇要演喊戲？）初初同監製傾時係嘻嘻哈哈，後來越寫越多喊戲。三段感情有唔同情緒，大家會睇到我由一個膚淺嘅女仔，變成懂得愛惜自己。亦多謝監製畀我發揮機會，放膽畀我呢個冇受過訓又唔係演員嘅人去做。」她透露在戲中將成為電視台小花，見到不少人性陰暗面，繼而將這些投放到身為智能人的Ali，令對方變得更加人性化，姊妹情亦越來越深。

（↓點擊放大睇圖片↓）

其實Mayanne上次客串《使徒行者3》時，遭活摘器官慘死一幕，已為觀眾留下深刻印象，演技也獲得不少讚賞。問她有否想過憑《智能》獲角色獎？Mayanne謙虛表示：「冇諗呢啲，有劇拍已經當攞獎，最緊要是有口碑就夠。（之後以拍劇為主？）《痞子殿下》下星期左右會拍晒，之後會做番綜藝先！好多監製都好好，話等我拍埋套古裝劇就會搵我。」

撰文：梁榮達

同場加映：《砂之器》｜Jer柳應廷@MIRROR難忘AK講對唔住撫平疙瘩 硬頸個性曾激親媽咪靠冧功化解

{{hket:ul-video id="3830"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】