麥美恩化身港女帶病父大鬧診所 家人居加國難免憂心父母健康

麥美恩（Mayanne）在《使徒行者3》的演技令人眼前一亮，一洗她平日大癲大肺的形象，雖然劇中角色頭兩集已死，不過她的角色名字朱倩，仍然長期在爆Seed（林峯飾）的口中，影響著他的思考及查案手法。近日，Mayanne再次挑戰演技，事關她獲邀接拍一個全新健康教育短片，片中她化身超級港女，發揮問問題問到篤的個性，帶住病父向醫生瘋狂質問。「點解有腫瘤都可以唔使切除？」、「同步放化療後，係咪無方法控制腫瘤？」、「化療副作用係咪真係咁恐怖？」等等。

【使徒行者3】麥美恩好戲連場得兩集觀眾嫌少 chok爆揸雙槍全被剪走 急推番外篇【下一頁】

{{hket:inline-image name="4.jpg"}}{{/hket:inline-image}}

(大會提供)

{{hket:inline-image name="3.jpg"}}{{/hket:inline-image}}

(大會提供)

{{hket:inline-image name="2.jpg"}}{{/hket:inline-image}}

(大會提供)

Mayanne雖然演港女，不過她都明白角色的背後其實是暗藏孝順，因她明白每人都會非常緊張自己父母和家人的健康，特別是短片中主角的爸爸患上肺癌，大家對該病的認知不多，自然滿頭黑人問號。她說：「要同步做放化療好辛苦？會唔會好多副作用，又會嘔足半年，又會甩晒頭髮生唔返？萬一唔好彩有起事上嚟，真係有好多問題要擔心！」

【使徒行者3】麥美恩被活摘器官爆喊曬演技 網民激讚：估唔到佢都好演得【下一頁】

{{hket:inline-image name="5.jpg"}}{{/hket:inline-image}}

(大會提供)

{{hket:inline-image name="1.jpg"}}{{/hket:inline-image}}

(大會提供)

Mayanne表示自己跟父母長期分隔兩地，萬一有事都難免會特別緊張，所以自己盡量都會抽時間返加拿大，每年生日都跟家人一齊度過。隨著父母年紀愈來愈大，Mayanne除了擔心他們的生活，更擔心健康問題，她說：「爸爸媽媽長期喺加拿大，自己就喺香港做嘢，工作又忙，佢哋平時身體有咩變化，都好難留意到；雖然已經成日傾電話，但上一輩習慣報喜不報憂，自己都咪話唔擔心。」

責任編輯：楊安莉