粉紅教主派心心｜Anson Lo廣告板再現尖沙咀碼頭 神徒有緣坐Edan「巴士」去打卡

「教主」Anson Lo（盧瀚霆）的大型廣告牌又再於尖沙咀碼頭出現。繼上月初「神徒」（粉絲暱稱）為他慶祝生日，在碼頭旁邊租巨型廣告牌應援，今次則是Anson Lo跟連鎖式快餐店的一次合作，將於明天（8月5日）開始掛起他的大型戶外廣告板，讓大家又有打卡的機會。而其《大叔的愛》的劇中戀人「阿田」Edan（呂爵安），亦獲其粉絲「爵屎」應援，包起30架九巴的椅背廣告，推介Edan的新歌《小諧星》；大家若是有緣的話，可能會坐上印有Edan廣告的巴士去尖沙咀，一次過捧這對人氣CP的場。

{{hket:inline-image name="Image31.jpg"}}{{/hket:inline-image}}

{{hket:inline-image name="Image34.jpg"}}{{/hket:inline-image}}

當女神遇上教主｜53歲李婉華想面試做MV女主角？ 同Anson Lo興奮合照：血壓上升【下一頁】

Anson Lo這次化身「粉紅教主」跟連鎖式快餐店合作，推介草莓冰沙特飲，他說：「平時都好鍾意草莓清甜當中，帶啲少少酸嘅味道。今次好開心能夠有機會同McCafé合作，畀我可以向大家送上粉紅心意，分享甜蜜滋味。平日工作壓力大嘅時候，我都會吃啲甜嘢嚟減壓，當中幾鍾意草莓酸酸甜甜嘅味道，冰沙亦係夏天必食，啖啖透心涼。希望透過呢杯『粉紅教主』，將呢份熟悉嘅甜蜜分享畀大家，大家可以喺生活中有滿滿嘅幸福感覺。」

{{hket:inline-image name="edanlui_210700116_1741632712705443_5162525199714401201_n.jpg"}}{{/hket:inline-image}}

{{hket:inline-image name="Image35.jpg"}}{{/hket:inline-image}}

蝦碌追星｜貨品名稱亂寫「我係Anson Lo老婆」 送貨公司遭海關查問險遭扣貨【下一頁】

神徒今次應該會好滿足，因為大家可以從電視或網上睇到廣告外，更可以到尖沙咀碼頭打卡，廣告板中不單止見到Anson Lo的巨型靚仔樣，他更向大家派心心又送飛吻，相信會同上次一樣成為城中打卡熱點，屆時又會逼滿不少粉絲。

（↓點擊放大睇圖片↓）

此外，Anson Lo昨晚在IG展現其廚藝，見他代替鐵板燒廚師為場中好友炮製炒飯，但他卻是錯漏百出，以為加雞蛋入白飯內就完結，忘記加入配菜去炒，膽粗粗問廚師他有冇潛質，之後要提醒才落鹽，但又不懂用調味樽；當他雞手鴨腳下完成後，好友們似乎不敢試食，最後免為其難才品嘗這份「Anson Lo炒飯」。Anson Lo在網上為自己解釋：「Anson Lo呈獻『Anson Lo炒飯』...有無人想試食？#神徒與教廚 #識煮嘢食唔一定要識煮好嘢食 #係咪先」，Edan竟然亦唔撐老友，搞笑留下一句「Danger」，相信大家都估到Edan想表達甚麼。

撰文：梁榮達

同場加映：Thai耐無去︱泰國通胡慧冲約咗麥當勞叔叔 麥記海南雞飯同水門雞有得揮？

{{hket:ul-video id="3762"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】