東京奧運｜吳業坤私訊洪詠甄為失言道歉 與周奕瑋同發懺悔文反省

吳業坤同「日本通」周奕瑋為無綫東京奧運主持，2人負責周邊採訪。早前佢哋喺《東京五輪直送》節目中截停港隊賽艇女將洪詠甄進行採訪，吳業坤對洪詠甄講：「冇呀，你走啦！」而被網民狂轟，繼「花癡主播」陳約臨後再製「採訪災難」！

{{hket:inline-image name="b78d4aa6348cb32e747dc48d5b494184.jpg"}}{{/hket:inline-image}}

網民插爆2人有欠專業、態度輕佻，更指佢哋侮辱運動員，一夜間變網民「公敵」。吳業坤即刻知衰，今日喺社交平台出全黑Post，並留言公開向洪詠甄道歉：

「本人吳業坤現為在《東京五輪直送》節目中跟洪詠甄小姐於練習後訪問的失言作出道歉。
事發在開幕禮前洪小姐練習後完成圍訪後，在她離開前做了一個突發的訪問，當刻未能好好處理內容及表現不專業，拍攝後自覺對她感到抱歉及怕令到感到不尊重，當晚已即時親自direct message 中向她致歉。
在數天前第14集的節目播出後，我個人的不專業令大家反感，在此再一次向所有受影響的人士作出深切的歉意。
多謝各位的批評和意見，會繼續反省和汲取教訓，謝謝。
希望各位在餘下的賽事繼續支持每一位香港運動員，加油。」

坤哥私訊對方道歉，更加再次Tag對方，話打擾到佢唔好意思，希望對方可以繼續專心做喜歡同熱愛嘅嘢。不過唔少網民都唔收貨，繼續留言大鬧；但同時都有粉絲力撐坤哥冇錯，認為只係場外訪問，手法可以輕鬆啲。

與坤哥一同採訪嘅周奕瑋都喺冇耐之後發懺悔文：

「感謝這幾天各位對我的意見。我都有好好閱讀及反省。
因這次訪問拿捏不宜，為洪詠甄小姐添了麻煩，於當天已向洪小姐本人致歉，請容許我為這次的言行再次作出誠懇道歉。
我會好好汲取這次的經驗，緊記各位說過的話，懷著尊重和謙卑的心去完成往後的每一次工作。
這幾天佔用了大家的時間實在非常不好意思。
未來請各位繼續指教。」

而洪詠甄都好大方，指自己都對事件冇上心：「冇諗過一個小小嘅訪問都有咁多人關注，網絡嘅威力真係勁。當時大家都以一個輕鬆嘅心情（接受訪問），好快就完成咗個訪問。事後坤哥都有私訊我講：『唔好意思，太突然。』咁我自己都冇特別在意，希望大家都唔好過度反應喺呢件小事上面。大家好好享受今次嘅奧運吧。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】