拍拖4周年Staycation｜蔡嘉欣帶男友Derek亮相大曬恩愛 爆失戀落Club認識：被我外貌吸引

27歲的蔡嘉欣（Kayan）在2019年參加《香港小姐競選》，落選後加入無綫。除了無綫的工作外，她亦是一名時裝店店主及YouTuber。早前是她與男友Derek拍拖4周年的日子，兩人到尖沙咀瑰麗酒店staycation慶祝。Derek更少有出鏡，與女友一同向觀眾分享相識經歷及其職業，更澄清自己不是ibanker！

{{hket:inline-image name="choi.png"}}{{/hket:inline-image}}

{{hket:inline-image name="choi5.png"}}{{/hket:inline-image}}

{{hket:inline-image name="choi6.png"}}{{/hket:inline-image}}

兩人表示4年前於夜店認識，蔡嘉欣憶述：「因為嗰時我失戀，朋友就帶我去clubbing……嗰半年係我人生唯一一個時期去clubbing，廿幾年嚟未試過，就喺嗰度見到佢。」Derek補充兩人是透過朋友介紹認識的，蔡嘉欣表示：「佢係我朋友當時男朋友個朋友，嗰陣唔知聖誕節定平安夜，佢見到我就一見鍾情，係咁追住我講嘢但我唔想理你……第一次喺club見完，第二次又喺club見。」她又問Derek當時是否對她一見鍾情，對方表示：「係呀係呀，我惟有咁講。」蔡嘉欣sweet爆表示：「你根本係被我外貌吸引，當時我咁肥，塊臉勁多暗瘡，爛緊臉你都依然睇到我潛質，你真係好有眼光。」

蔡嘉欣表示兩人相識幾個月就拍拖，至今已4年多。她又指相識至今沒有與男友吵過架，Derek表示：「有原因㗎，因為我哋性格都比較受軟唔受硬，當兩個軟弱性格一齊時就唔會因為小事而嘈。同埋因為我哋啱channel，所以唔會嗌交，大家諗嘢比較宏觀，唔會因為芝麻綠豆嘢而嘈一大餐。」蔡嘉欣就話因兩人相處好舒服，所以搵唔到理由與對方嗌交。

蔡嘉欣又叫男友分享自己從事甚麼職業，又澄清男友從來無做過ibank。Derek解釋：「始終banking有好多部門，我係匯豐MT（管理培訓生）出身，跳過幾間銀行，職務係比較近業務銀行（蔡嘉欣：以前）；以前就cover大型的跨國企業（蔡嘉欣：以前佢幫公司搵幾千萬上落）。唔係咁講，係成條team一齊參與。」蔡嘉欣更指男友從事的職業是她一生都無法理解的。

Derek又指從事了這份工作快十年，覺得已足夠，「鍾意摸索其他嘢，我覺得9年嘅銀行業已經畀到我想要嘅嘢，應該唔會再返去銀行業，太悶喇！」

新居Home Tour｜蔡嘉欣入行唔夠3年極速「上車」? 6位數裝修蝸居：邊個畀錢邊個話事 【下一頁】

同場加映：鄭伊健教大家「閃避球」國語 周家怡42歲生日起勢打人？

{{hket:ul-video id="3736"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】