領展加碼送$1700萬優惠 消費券買滿$500即「得米」

已登記電子消費券嘅市民，嚟緊周日就可率先收到$2,000，黛安都籌謀緊點使。聽公關姊妹講，領展將加碼送總值$1,700萬嘅「消費添飯家煮意」優惠，顧客只要喺指定23個領展商場同街市，單次消費滿$500，即可得一公斤金鳳香米，消費愈多「得米」愈多，仲可累積印花換人氣家電，11月份仲可參加千萬元大抽獎，頭獎價值高達$10萬。

由8月1日至10月15日，顧客只需登記成為領展會員，除可憑消費券買嘢「得米」外，單一發票每滿$50，可領取電子印花一個，儲滿150個印花，就可換領récolte花灑萃取咖啡機或厚燒格子三文治機；儲滿300個，可換récolte日式電飯煲一個；餘下嘅電子印花就可以參加大抽獎。禮品數量有限，換完即止，活動詳情請【按此】瀏覽。