婆媳關係｜曾做畫室人體模特兒 未來奶奶欲棒打鴛鴦：接受唔到新抱畀人睇蝕

人體模特兒工作性質較敏感，老一輩未必能接受，一名女生曾任職畫室人體模特兒，因工作或需裸體示人，男友母親得悉後難以接受，私下要求她與兒子分手，更斥責女方為錢出賣身體；女事主則強調屬正當的藝術工作，與色情無關，為與男友一起願意辭去工作，但男友母親卻不為所動。網民則認為其未來外母思想守舊兼雙重標準，但也有人認同老一輩確實較難接受這類事情。

一名網民日前在Facebook群組「同住奶奶好惡頂自由討論區」發帖，稱代一名女性友人發帖向網友求教意見，其女友人在新冠疫情前，曾任職約3年的兼職人體模特兒，在畫室讓畫班學生或藝術工作者進行素描、油畫、人體彩繪等，性質及場所均屬正經；她亦於畫室認識現任男友，兩人相知相愛，已拍拖1年多。

近日女事主收到男友母親傳來訊息，對方第一句即表示「我唔係好想你同阿仔一齊」，令她不明所以，一度以為自己是否做錯事，追問下才得知男友母親無法接受她曾任人體模特兒，事主多次嘗試解釋，惟屢被駁斥，

↓ 點 擊 圖 片 放 大 ↓

為養家而任職人體模特兒

女事主解釋，在她任職人體模特兒前，曾於該畫室上課，所以知道運作模式，意識均屬正經。後來在學時期因家中經濟拮据，她作為獨生女需肩負養家責任，而原本兼職收入不足以應付開支，碰巧該畫室招聘人體模特兒，她才會應徵及獲聘，每月收入約有2萬元。

她坦言，自疫情後已停止人體模特兒工作，而且家中經濟問題已經解決，為免男友母親介意，她提出可推掉將來的相關工作，

「我想重申一次，正經工作，對得住天地，希望Auntie你明白。錢係難搵，但我同XX（男友）係真心嘅，佢重要過錢好多。」

男友母親堅持要求分開

惟男友母親仍堅持己見，著事主毋須推掉工作，只需離開其兒子即可，直言「我哋比較保守，都係接受唔到新潮嘅你」。女事主稱男友一向明白其工作性質，認為對方不應以此為由拆散鴛鴦，惟男友母親亦未有退讓，兩人爭持不下：

↓ 點 擊 圖 片 放 大 ↓

女事主表示為證清白，可安排男友母親到畫室參觀，亦可讓她與男友一同解釋，惟再遭對方以「夜啦，老人家要休息」為由拒絕接聽。

代為發帖的友人表示，女事主其後向男友反映，而男友已向母親表明會與女友站在同一陣線，不會因此而分開。

網民意見不一：雙重標準 VS. 長輩難接受

帖文在群組引發熱議，不少人認為事主回應得體，認為男友母親思想守舊兼雙重標準，「同一場合，佢仔畫人就係正經，事主俾人畫就係唔正經？」、「舊思想，一定係唔想開口叫個仔分手，唔想做衰人先由個女仔度落手」、「俾人畫嘅和畫人體嘅都係講藝術，點解去到佢度變晒質？變到俾人睇蝕晒和為錢出賣身」。

另有人認為事主的工作性質比較敏感，年老一輩或難以接受，應交由男友與家人好好溝通，日後再作打算，「正常，大部分老人家都唔可能接受。接job前要考慮清楚這副作用」、「留番畀男友拆，同埋如果真係結婚唔好一齊住」、「男仔係鍾意你嘅話，會為你企硬擋風擋雨，佢要做媽寶嘅話，證明呢個男人唔要得」。

同場加映：

跨性別｜從小渴望做男仔接受手術做自己 「跨仔」難忘父親喪禮花牌自稱「二兒女」

{{hket:ul-video id="3492"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂