聲夢傳奇｜「火雞」孫漢霖為追夢無悔辭職參賽 曾遭家人反對：佢哋話唱歌好唔實際

《聲夢傳奇》參賽者「火雞」孫漢霖（Steven）早在13強被淘汰，日前他接受本報訪問就剖白當時被foul的感受，更直言當時曾有唔甘心。不過心繫《聲夢》的他都一路有留意比賽發展，更分享他心目中的三甲人選。而本身係維修員嘅佢為咗參賽而辭職，佢又有沒有後悔，未來又想往甚麼方面發展？

{{hket:ul-video id="3574"}}{{/hket:ul-video}}

維修員的音樂夢

火雞表示做歌手是他小時候的夢想，不過在追夢過程中他都曾有放棄的念頭，幸好遇到《聲夢傳奇》這個平台，使他決意跳出舒適圈追夢。「我18歲就出嚟做嘢，夜晚返夜校讀屋宇裝備，出咗嚟社會後先學唱歌。因為我之前唔想用屋企人錢，所以我返工之後就用自己份糧學唱歌。」

{{hket:inline-image name="3.jpeg"}}{{/hket:inline-image}}

由18歲開始任職商場維修員的火雞，做了4年後為比賽果斷辭職，他坦言家人曾反對他辭職追夢，「屋企人初頭好反對，因為覺得唱歌呢樣嘢好唔實際。後來同家人溝通咗好耐，而家佢哋就好支持我。佢哋發現我係呢個比賽成長咗好多，開始有自己睇法。」

雖然辭職後收入受到影響，只靠積蓄維生，但他直言沒有後悔這個決定，「而家望番真係無後悔，同埋我喺呢個比賽學咗好多嘢，例如心態。自己見解、經歷都豐富咗。」

{{hket:inline-image name="2.jpeg"}}{{/hket:inline-image}}

13強被淘汰仍心繫《聲夢》

提到他在13強時被淘汰，當時令主理人李克勤及不少觀眾大跌眼鏡，更留言希望舉行復活賽，讓火雞回來繼續參賽。火雞表示其實當時被foul一定有唔甘心，「我覺得就算邊個走都會有唔甘心嘅感覺，但嗰吓其實冇諗過係我，所以嗰吓我有少少呆咗，但即刻要諗吓之後點做，因為我已經唔喺呢個比賽入面。」他續指雖然自己被淘汰，不過自己仍然是《聲夢傳奇》的一份子，想親眼見證住呢個比賽的每一刻。「其實評判嘅評語我都可以有得著，我都會keep住去睇同留意比賽。」

{{hket:inline-image name="005.jpeg"}}{{/hket:inline-image}}

聲夢傳奇｜孫漢霖被淘汰令李克勤大跌眼鏡 網友洗版式留言鬧導師亂foul人 【下一頁】

火雞指雖然自己一早被淘汰，但仍會與其他藍隊組員聚會。問到他緋聞女友文凱婷（Aeren）在參賽時都遭到不少抨擊，會否安慰對方？他說：「我哋都幾friend，都會一齊出去食飯，開導吓對方，一齊圍爐取暖。咁當然唔止我同佢，係我哋幾個一齊食嘢。其實出到嚟參賽都係預咗有人鍾意，有人唔鍾意，最重要係心態調整。」他亦表示參賽最大得著是心態方面的改變。

{{hket:inline-image name="3803c6a0-7ab8-4f1b-bfb5-d587b22ecf73_600.jpeg"}}{{/hket:inline-image}}

心目中的三甲人選？

《聲夢傳奇》15位參賽者各有長處，問到火雞最欣賞是誰？「雖然我係藍隊，但我最欣賞係Archie（冼靖峰），自己隊就係Gigi（炎明熹）。因為我被foul嗰round，Gigi係直踩4個表演，嗰時佢要返學同準備考試，仲要準備4個表演，我真係好佩服！而Archie佢好似越嚟越好，同埋好識照顧其他人，佢似一個大哥哥。」

另外，決賽將於本月19日進行，火雞心目中亦有自己的三甲人選，其中兩名是他欣賞的兩位參賽者。「冠軍睇好Archie，佢穩定性好好，知道評判、觀眾想要啲咩，同埋好識玩比賽。另外兩位就睇好Gigi同Chantel（姚焯菲）。」

（↓點擊放大睇圖片↓）

火雞今年22歲，在參賽者中相較年長，他指雖然與Yumi、Gigi等年紀較小的參賽者有年齡差距 ，但因為比賽而增加了接觸，更大讚她們能歌善舞好厲害。「係因為比賽令我同藍隊本身唔係好熟嘅隊員更熟，例如初頭好少同Yumi同Gigi初佢哋接觸，因為我同佢哋年齡相差太遠，但之後會傾下點樣一齊玩比賽就熟咗。其實佢哋都好叻，跳舞又得啦 唱歌又得啦，我都會關心同鼓勵吓佢哋。」 

{{hket:inline-image name="183257247_810928902850961_2151929535311566444_.jpg"}}{{/hket:inline-image}}

未來發展路向

現時火雞與其他學員一樣簽約無綫，現正在藝員訓練班做旁聽生。他直言除了想做歌手外，亦對做演員有興趣。他笑言：「天份未必講有，但興趣就有，演戲可以做唔同角色，係跳出自己框架，同埋好好玩。我覺得我唔化妝都可以演黑社會角色，哈哈！」他亦指未來如有機會的話，最想與黃宗澤合作， 「佢拍警匪片好叻㗎嘛，如果有幸同佢交手係好好玩嘅事。」

（↓點擊放大睇圖片↓）

聲夢傳奇│火雞受訪疑錯口爆決賽五強名單 19號直播決賽 隊友睇好邊個贏？ 【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：林惠珊