星格Boss｜梁嘉琪由用家變老闆開網店賣裙 首次開Live勁迷茫：點解咁賣嘢

梁嘉琪於2019年7月創立自家品牌「K times 2」，並在網上售賣跟拍檔設計的半截裙。網店成立至今已2年時間，嘉琪透露早期很多事情都要一腳踢，由揀布、設計，到客服（客戶服務）、送貨及搬貨等皆要親自去做。當中較為難忘是拍檔提議開Live做宣傳，認為這是最快讓人認識網店的方法，但她就感到很尷尬，「做嗰時係好掙扎，好迷茫究竟要點做。好記得第一次開Live時係成塊臉紅晒，硬住頭皮去做，我係呈現一種尷尬嘅氣場！」

{{hket:inline-image name="kakikakileung_197465329_345939463726101_3229536585635065803_n.jpg"}}{{/hket:inline-image}}

{{hket:inline-image name="07091001.jpg"}}{{/hket:inline-image}}

元祖《學是學非》主持｜梁嘉琪重返有線主持新飲食節目 15位「是非精」近況逐個數【下一頁】

不過嘉琪可謂一次生、兩次熟，她漸漸發掘到開Live的箇中樂趣，發現到其實這是要學習的一種表演技術，跟平日做節目主持是兩碼子的事；亦很慶幸一早接觸這事，在往後跟不同品牌合作時帶來相當的自信心，「上年好多品牌將工作集中喺網絡上面，因為搞唔到公開活動；而我品牌喺疫情前已開始做Live賣衫，好多客戶睇到就搵我合作。疫情關係大家可能冇見到我喺幕前演出，不過喺網上就有同不同品牌嘅合作……賣裙令我知道賣貨係咩一回事，同其他品牌合作時變得好有用。其實最初做Live時要衝破心理關口，因為嗰時唔係好多香港藝人會做呢樣嘢，大家會認為點解咁賣嘢，點解要做到成個Sales咁樣！」

至於跟設計師拍檔如何認識，嘉琪笑言經常路經對方的店舖，亦很鍾意她的作品，覺得好吸睛、布料特別，於是膽粗粗敲門問對方可不可以贊助自己，開始友好關係；直至有一日被問有無合作空間，大家就決定去開網店，「我哋主打係做半截裙，宗旨就係幫你『保守小秘密』，意思幫你收埋唔想畀人見到嘅地方，然後放大你嘅優點。我啲客話我咁瘦著咩都好睇，冇錯我係瘦、但唔係好Fit，唔係擁有馬甲線嘅人，只係我好清楚自己有咩缺點要收埋，剩係畀人睇我好嘅地方。我哋嘅裙嘅特色正正係針對呢樣嘢，會收埋肚腩仔、大髀位肥肉等等。」

梁嘉琪自爆古巨基係佢初戀？ 細數圈中藝人邊個追星最成功【下一頁】

嘉琪過往做生意曾蝕本離場，令她內心對此存有陰影，所以嚴加控制網店的開業成本，希望一切由小本去開始；加上兩個股東本身有正職，明白網店好需要即時回覆客人，於是將公司賺回來的錢，全部投資在公司的配套，例如聘請客服員工；漸漸公司有一定熟客捧場，生意走上軌道。對於疫情嚴重影響市道？她說：「對我們來講好兩極，疫情係令大家手緊咗，但亦令大家上多咗網買嘢，網上很多生意因此冒起，所以多咗人留意我哋網站；加上好多人知道我離開咗舊公司（即無綫），嗰段時間好多記者朋友幫手，順帶提我有呢個網店，多咗人認識我哋品牌，於是又多咗一班新客人。」

（↓點擊圖片放大↓）

提到離開無綫後亦不乏幕前工作，嘉琪於港台有份主持《周末8點半》及《創業聯盟Z世代》，在開電視亦有主持《關於早餐的一些事》，她說：「我係演藝學院畢業，好開心因為做《周末8點半》主持再接觸番舞台劇圈子嘅人。有傾緊一啲合作，希望將來真係成事，係一個額外嘅得著。每次去拍《創業聯盟Z世代》，感覺似學嘢多過開工，我有訪問商界成功人士有關生意之道……我哋網店去到一個樽頸位，同拍檔都好苦惱我哋應該點樣再做好啲，私底下會請教呢班嘉賓，可以幫到我嘅生意。（品牌已定下未來目標？）而家開舖念頭越來越強烈，因為客人無法喺鏡頭上感受到布料幾特別，如果想再去擴張生意的話，可能要有多個渠道畀客人見到實物，當然呢個只係目標，並唔係夢想，不過都希望真係成到事。」

撰文：梁榮達

同場加映：Thai耐無去︱泰國通胡慧冲掃曼谷超市 超人氣薯片逐包試

{{hket:ul-video id="3439"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】