Health Plus | 10分鐘製水果茶 飲出彈彈肌 工時長常吃外賣 面色易黯啞

不少OL在辦公室日忙夜忙，長期不見天日，面色難免黯啞，加上不時食外賣醫肚，缺乏營養易令膚況轉差，加速衰老皺皮。有營養師指，要護膚首重補充維他命C，因維他命C可抗氧化，更有助膠原蛋白增生，令皮膚回復彈性，且能幫助鐵質吸收，改善貧血問題，有助女士維持好面色。閒時只要花10分鐘沖泡以下2款水果茶，便可輕鬆還原「靚靚肌」。

好味果茶知多啲  ↓ 點 擊 圖 片 放 大 睇 ↓

Nutrilicious創辦人兼首席營養師Michelle Lau指，女士想美顏護膚，首要補充維他命C，因維他命C不但是天然抗氧化劑，更能促進膠原蛋白增生，保持肌膚彈性︰「維他命C還有助促進鐵質吸收，可改善貧血問題，令女士回復紅粉緋緋的好面色。」Michelle說，水果之中奇異果、士多啤梨及熱情果維他命C含量尤其高，故特意以它們為「果底」，設計出2款美肌水果茶，每款只需花5至10分鐘浸焗，方便日常飲用。

維他命C抗炎抗菌利肌膚

當中三色水果茶便選用奇異果、士多啤梨「兩大強者」沖泡，配合同樣富維他命C的香橙，最能為肌膚補底。調味選用的蜜糖，原來亦有考究。Michelle笑言︰「蜜糖的卡路里雖然與白糖、糖水相若，但營養成分更高，包括含微量維他命C、鈣、鐵、鋅等，亦有抗炎和抗菌作用，更有利肌膚健康。」

而台式水果茶配搭的熱情果，除了與檸檬、香橙一樣富維他命C，亦高纖低脂，有利排毒。配搭的西瓜亦是高水份水果，有利補水，「但西瓜升糖指數（GI）較高，易令血糖大上大落而產生飢餓感，故要適量使用。」

綠茶兒茶素高 有效抗氧化

沖泡茶底亦有講究。Michelle指，綠茶的兒茶素在茶葉中最高，其抗氧化能力甚至比維他命C更強；而紅茶雖然經發酵令兒茶素含量較低，但含豐富的茶紅素，亦具有抗氧化能力，所以無論是綠茶和紅茶，對健康都有益。至於沖茶水溫以攝氏70至85度最佳，Michelle解釋此水溫沖泡有助茶葉釋出最多的茶多酚，與維他命C配搭有加乘作用，進一步提升抗氧化能力，及攝取最多營養素。至於冷泡茶，因釋出的咖啡因較少，對身體負擔亦會較輕。

Michelle又提醒︰「謹記沖泡時，水果要即切即沖，浸泡時間不宜過久，以免流失水溶性營養素，或因過熱令營養素減少，一般浸5至10分鐘最佳，不宜浸超過15分鐘。」

{{hket:inline-image name="20210706JHZ002__20210706_S.jpg"}}{{/hket:inline-image}}

營養師Michelle Lau

神級水果 紅石榴幫你變靚啲，詳情按【下一頁】即睇

資料來源︰營養師Michelle Lau

場地提供：信興廚藝中心

記者︰脫芷晴

攝影︰程志遠

責任編輯：黎家榮