聲夢傳奇｜音樂總監Johnny Yim點名最愛蓮姐 大讚有音樂天分：靠把聲一定成功

無綫唱歌比賽《聲夢傳奇》決賽將於本月19日進行，上星期六的一集「七強戰」，蓮姐（林君蓮）唱《如果沒有你》失準，只得7盞燈成績，成為最低分一個，被淘汰出局，於七強止步。蓮姐被foul固然令不少網民感可惜，而《聲夢傳奇》的音樂總監Johnny Yim（嚴勵行）直言蓮姐是他的「飛佛」，大讚她有音樂天分，「就算你幕前唔成功，幕後都一定成功！」

{{hket:inline-image name="jy.png"}}{{/hket:inline-image}}

《聲夢傳奇》七強戰｜蓮姐2分輸畀Aeren爆喊問點解 炎明熹被評魂魄唔齊照樣晉級 【下一頁】

《聲夢傳奇》由Johnny Yim擔任音樂總監，負責所有音樂的編曲和樂隊領導等等，因此有不少時間接觸各個參賽者。他在一個訪談節目中表示蓮姐是他最喜愛的參賽者，「佢不嬲都係我嘅favourite，因為我可能係比較鍾意啲唔講嘢嘅人，做嘢最緊要係我一講你就明，佢就係呢種。」

{{hket:inline-image name="211515600_339664167739745_6008371049358085482_n.jpg"}}{{/hket:inline-image}}

他又舉例指有一次與蓮姐合作，印象深刻，「佢好似唱《光年之外》，我編曲需要佢把聲做和音，我就叫佢嚟錄，我彈一句佢就唱一句，廿幾分鐘就錄完成首歌，好快。我問佢有冇錄過和音，佢話冇，我話佢快過啲pro（專業人士），唔入呢行有啲嘥。就算你幕前唔成功，幕後都一定成功，總之你靠把聲一定成功！」

Johnny Yim補充一句︰「和音唔係話學就學，耳仔（靈敏度）要好到不得了，同埋個人要識分開自己做緊嘅嘢，同人哋做緊嘅嘢。」而在蓮姐被foul，Johnny Yim亦在IG有感而發︰「其實由第一日面試開始已經知道你非常有潛質同性格，有機會一路係音樂上同行係要多謝上天嘅安排呢！另外有個好特別嘅發現，我發覺好多學音樂嘅人都非常欣賞你，唔知你自己知唔知道呢？加油蓮妹！期待日後都有合作機會！」

（↓點擊圖片放大↓）

提到何晉樂（Rock），Johnny Yim笑稱叫他做「石老闆」，「Rock係我全個甄選畀得最高分嘅，所以我叫佢石老闆。咁嗰時睇唔出佢EQ低，佢一路比賽就一路緊張，chok到自己唞唔到氣咁，但佢都唱得好。」

問到Rock曾被組員斥責他只顧自己唔理其他teammate，Johnny Yim表示︰「咁呢樣我又唔知，但喺台上同綵排我係惡晒，我唔理佢合唔合群，總之要聽我講嘢啦！」

聲夢傳奇｜鍾柔美Yumi跳唱《狂野之城》破75萬點擊 被捧做鄭秀文接班人：以佢為目標 【下一頁】

同場加映：【娛樂直擊】姜濤阿Jer勸粉絲夫妻和睦 花姐出口為老公們發聲

{{hket:ul-video id="3464"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任你睇↓↓
【立即體驗】