3日限定 $7歎7CAFÉ即磨咖啡

黛安每日都要飲杯咖啡提提神，今日係星期三，仲有兩日先放假，一於等7-Eleven同大家打打氣！黛安知道，7-Eleven為咗慶祝第1,000間分店開業，7CAFÉ即日起會推出3天限定優惠，由今朝7點起至今個星期五，所有7CAFÉ即磨咖啡只售7元，包括任何口味，凍熱同價。

公關姊妹同黛安講，今期7CAFÉ更特別推出季節限定新口味，分別有沖繩黑糖紅豆味鮮奶咖啡及沖繩黑糖紅豆味鮮奶，濃郁黑糖加紅豆香，雙重滋味，甜而不膩。另外，如果係yuu會員，喺優惠期間買7CAFÉ仲可賺5倍yuu積分，即日起至今個月20日，仲可以儲yuu印花，只要儲夠5個印花即送1杯咖啡。咁着數大家點可以錯過呀。