LINE FRIENDS現身天晉滙上水廣埸 帶大家暢遊東南亞

BROWN（熊大）、CHOCO（熊美）等為首嘅LINE FRIENDS，唔經唔覺已經陪伴咗大家10年喇，黛安收到風，一眾LINE FRIENDS今年暑假會去PopWalk天晉滙及Landmark North上水廣場，以唔同造型帶大家暢遊香港同東南亞景點，感覺好似去咗旅行呀。

本周六（10日）起到9月5日，佢哋會先喺天晉滙1至3期同新開嘅Ocean PopWalk海天晉滙商場同大家見面，除咗有BROWN打扮成新加坡嘅魚尾獅雕像，佢嘅朋友仔仲會以新加坡、曼谷等地場景同造型歡迎大家；8月4日到9月5日佢哋會去上水廣場「開檔」，賣雪糕同雞蛋仔等，畀大家回味港式情懷。

另外，下周一（12日）起可以去上水廣場2樓嘅期間限定店買各款LINE FRIENDS精品，粉絲亦可以下載「AiR」手機遊戲，同埋參加「LINE FRIENDS環球美食盛典」遊戲，贏取豐富獎品，千祈唔好錯過啊！