羅浩楷頸椎壓神經線沒阻幽默個性 71歲中氣十足照樣彈結他唱歌

「羅浩楷」這個名字再次hit起，全因早前港姐進行面試時，其中一個面試者利愛安（Kirsten）被指樣子似足羅浩楷，加上她說自己「I come from Tung Chung」而被冠以「東涌羅浩楷」之名，成為網民熱話。她曾經在訪問中表示知道羅浩楷是演藝界前輩，得悉他生病時都有公開送上慰問，亦令大家關心久違幕前的羅浩楷近況；據悉他因嚴重的頸椎問題，在2015年拍畢劇集《東坡家事》後，無奈退隱。

日前藝人鄧英敏的YouTube頻道節目《老友鬼鬼傾吓偈》便邀請好友羅浩楷接受訪問，片中所見他因頸椎問題令頭部傾向左邊，身體亦未能坐直，但精神很好，說話中氣十足，依然風趣幽默。

{{hket:inline-image name="71.jpg"}}{{/hket:inline-image}}

久違幕前的羅浩楷獲好友鄧英敏邀請現身節目。（網上截圖）

{{hket:inline-image name="80.jpeg"}}{{/hket:inline-image}}

羅浩楷因頸椎問題影響未能坐直身軀，但精神健康不俗。（網上截圖）

羅浩楷表示他於1967年考入國泰電影公司成為第一屆訓練班學員，「嗰時我17歲，當時我都靚仔㗎！但有樣嘢好輸蝕，當時啲戲係講普通話，識講普通話嘅同學著數晒，我呢啲講廣東話嘅就唔著數。」他稱最記得第一日開工就要扮鬼，可惜不久公司倒閉，便轉拍粵語片，遇上師傅呂奇。提起師傅，羅浩楷即時呂奇上身，演繹他的經典對白腔，「你呢個無恥嘅飛仔，豈有此理，你咁嘅人係貪錢嘅！」說起往事仍心有不憤，「其實呢個演繹方式係我創造出嚟，但點知最後乜嘢演出都冇我份，我唔知乜嘢原因，（齣戲）出咗嚟之後，個個都扮過，其實係扮我，唔係扮我師傅！」

【絕代商驕】70歲羅浩楷患頑疾駝背頸歪慘遭白眼 因一事得救 綠葉背景勁到估唔到 【下一頁】

鄧英敏讚他是「扮嘢王」尤其扮女人最耍家，羅浩楷說扮女人都有辛酸，試過對鏡跳「鏡子舞」，練足一個星期搞到茶飯不思，「（出到嚟效果）唔好笑會畀人鬧，就算觀眾笑到嘔，都會有人話『唔該做節目做得實淨啲』！」早前一件事令他好氣憤，羅浩楷曾志偉腔上身：「『做司儀點可以睇稿！』但點記啫？大佬！佢自己唔記啫，但（唔可以）咁樣迫人哋（其他司儀）……」

鄧英敏指在1970、80年代羅浩楷是「金牌經理人」，是酒廊的長駐歌手，能自彈自唱，羅浩楷坦言：「當時我係比較富裕啲，我使錢係亂咁嚟，但唔好想當年，往事只能回味。」隨後兩人在節目即興演唱，羅浩楷雖然受到頸椎問題影響，仍無阻他彈結他，一邊彈一邊大唱《往事只能回味》和《悲秋風》。

撰文：衛紫敏

同場加映：盛舞者│麥秋成做新手爸爸湊女仍在學習中 狄以達做導師夠晒火

{{hket:ul-video id="3444"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

樂易玲62歲家中開群星派對慶生 苟芸慧傳婚變單身赴會笑得燦爛 【下一頁】