iSQUARE夏日五重禮遇 1折換購星級禮品

過幾日電子消費券就開始登記，黛安見到唔少商戶都推出優惠，例如尖沙咀iSQUARE國際廣場正舉行Summer Sale五重禮遇，包括一連4星期推出唔同1折禮遇同星級禮品，實行以最筍價錢畀大家買到盡、食到盡！

黛安聽公關姊妹講，優惠期內只要喺商場內3至6間唔同商戶消費滿指定金額，就可以1折換購唔同尊尚禮遇，例如消費滿$3,000，即可以用$288換購18K白金鑽石圈耳環；買夠$1萬，仲可以用$450訂購阿一米芝蓮星級鮑魚宴；如果買夠$300，亦可以用$1、$10或$100換購唔同禮品。

搶唔到以上禮品都唔緊要，喺商場內兩間唔同商戶以電子貨幣買夠$400，亦有機會換領馬莎$50禮券，推廣期內商場大約60間商戶都會推出限時禮遇，部分低至1折，商場iCLUB會員更可儲積分換禮品㖭。今次推廣會一直到今個月29日，黛安已約好姊妹們去掃貨喇！