廚師變博士｜《學是學非》蕭欣浩會考6分做廚師 獲母支持苦讀10年成博士做大學講師

只要肯努力，每個人都能創出屬於自己的一片天。現為嶺南大學中文系講師的蕭欣浩，曾於TVB《學是學非》及《粵講粵㜺鬼》等節目中分享中華文化，但原來他以前會考僅獲6分，為興趣做過一年廚師，當年適逢沙士影響經濟民生，他毅然辭職再讀書，遭受過同學及親友的冷嘲熱諷，苦讀10年後終博士畢業，還成為大學講師及出書，集結飲食及文學知識，盼能推廣漸被遺忘的飲食文化。回顧昔日經歷，他笑言每步都捱得有血有汗，猶幸得到媽媽的支持及鼓勵，才能擁有今天的小成就。

蕭欣浩指當年中五會考僅考獲6分，無法原校升讀中六，遂報讀毅進課程，取得五科合格再完成副學士先修班。自小熱愛下廚的他，本欲考入廚藝學院，惜因競爭激烈以失敗告終，甚至有近4個月成為失學失業的「雙失青年」，及後總算重拾動力，邊做邊學尋找工作機會，

「嗰陣心諗：『做咗先啦！』始終喺屋企耍廢耍得太耐，搞到個人冇晒方向。」

寓工作於興趣  成為廚師圓夢

不久後，蕭欣浩獲一間法國餐廳錄取成為廚師，每日由屯門搭車到銅鑼灣上班，來回車程已花3小時，加上工作時間為朝11晚11，且工作繁忙「執頭執尾、斬瓜切菜、洗廁所、洗碗、倒垃圾，『咩都要做』」，月薪卻僅有4,700元。他直言當時日子甚苦，有次更試過「做到嘔」，但一切仍是值得，

「嗰陣先20歲，咁後生都做到嘔，你想像到有幾辛苦。不過可以浸淫喺煮食環境，喺側邊跟師傅偷師、接受薰陶，其實係另一種滿足。」

至2003年沙士爆發，蕭欣浩親眼目睹食肆相繼結業，有老師傅甚至「降級」與他做一樣較低級的工作，令他驚覺知識於動盪時刻尤其重要，心想既已達成做廚師夢想，不如辭職繼續進修升讀副學士。

↓ 點 擊 圖 片 放 大 ↓

重拾課本遭他人冷嘲熱諷

投身社會一段時間，要重拾課本並不容易，除要重新適應讀書環境，還要面對同學分黨分派，他自言曾受旁人冷嘲熱諷，「冇人試過毅進上到大學㗎喎」、「你唔係高考上，讀唔到上去啦」，甚至連親戚街坊都將其睇低，在他媽媽面前多番奚落，「佢未必讀到上去，唔好嘥錢啦」、「畀個仔讀咁多書做咩吖？早啲出嚟做嘢啦」，令他一度感到徬徨心灰。

獲媽媽鼓勵追尋理想

別人眼中的朽木，卻是媽媽心中的瑰寶。蕭欣浩的媽媽未有理會他人的質疑及冷言冷語，在求學路上給予他無比信任與鼓勵，令他慢慢想通前路，專注讀書及享受學習過程。最後蕭欣浩考試成績不但名列前茅，還順利升讀大學，令旁人大跌眼鏡；其後他繼續拾級而上，一步步讀完碩士、研究型碩士及博士課程，最終晉身成為中文系大學講師，為傳承知識文化而出力。回顧顛簸10年，蕭欣浩直言最希望多謝的仍是一直支持自己的媽媽，

「我媽媽好好，畀好大自由度我，係我人生中一個好重要嘅支柱。佢同我講：『你唔使理人講咩，做好自己，讀書定做嘢都無所謂，條路係你自己。』雖然屋企從來都唔係富裕，但佢會喺能力範圍內畀最好嘅我，喺有限資源中做到無限，好感恩。」

↓ 點 擊 圖 片 放 大 ↓

將飲食結合文學出書  推廣香港飲食文化

時至今日，蕭欣浩已成為嶺南大學講師8年，除專注教學、文化研究及開講座外，他與飲食界的關係亦未中斷，間中返回以前工作的餐廳做廚。近年還成為作家，將中文學術研究專業，與飲食文化融為一體，出書傳承文學及飲食文化。

本年初，蕭欣浩參加由香港互動市務商會主辦、獲創意香港撥款資助的第三屆「香港初創數碼廣告企業 X 出版宣傳支援計劃」，藉數碼傳播推廣著作《流動香港飲食誌》，盼以新方式令更多人認識此書，讓大眾對本港的飲食文化有更深的認識，

「香港無乜人做呢啲，覺得唔重要，但飲食本來就係人人每日都會做嘅事，點會唔重要呢？過去無人做，就由我嚟做第一人，以前都唔係未試過。」

↓ 點 擊 圖 片 放 大 ↓

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：賴天兒

攝影：楊嘉傑