鞏俐再嫁外籍音樂家沐浴愛河 72歲老公獲頒法國榮譽軍團勳章

現年55歲的國際影后鞏俐憑住佢嘅精湛演技，多年來獲獎無數，可以話係成就好高嘅華人女演員之一。鞏俐從小就喜歡唱歌跳舞，經常活躍喺中國泉城中學生嘅舞榭歌台上；後來她考入了中央戲劇學院表演系，1988年與第一次擔任導演嘅張藝謀合作，開展咗佢同中國「第五代」導演長達十五年嘅合作，逐步走上國際舞台。

{{hket:inline-image name="MhCr6mwBJleJMoPMS7qa.jpg"}}{{/hket:inline-image}}

鞏俐嘅感情史同樣豐富，當年一直被指同張藝謀喺事業、感情上都係親密無間嘅伴侶，一系列嘅合作使二人事業上巔峰。然而於交往8年、合作過7部電影後，最終分手。鞏俐隨後與英美菸草公司香港總裁黃和祥結婚，2008年11月8日入籍新加坡，但兩人亦於2010年離婚。2017年，鞏俐被發現與法國電子音樂家Jean-Michel Jarre拍拖，2019年她再次結婚，出雙入對出席大大小小嘅公開場合；鞏俐婚後亦隨老公定居法國，兩公婆不時被影到手拖手行街！

日前Jean-Michel Jarre喺微博以中文同大家公布自己獲得法國榮譽軍團勳章最高等騎士勳位嘅好消息，仲分享咗一系列相片，相中的Jean-Michel Jarre西裝骨骨，非常有型，睇落一啲都唔似已經72歲！雖然呢批相就見唔到太太鞏俐出現，其實Jean-Michel Jarre不時會喺社交平台分享同老婆嘅近況，恩愛有目共睹！