梁繼璋被急召頂替│曾志豪貴花田上周遭港台解僱 今早網上開live與原節目打對台

DJ曾志豪、貴花田（陳寶玲）及王耀祖上周五人主持完《瘋Show快活人》節目後，隨即接到港台「大信封」，遭到解僱，事出突然。而港台解釋是為了配合二台40周年而作出節目改革，推出「復刻版」，改由元祖級的梁繼璋、李麗蕊及馬小強來頂上。

{{hket:inline-image name="01.jpg"}}{{/hket:inline-image}}

曾志豪東家唔打打西家，今早（6月21日）喺屋企做網上live，玩對撼。（網上截圖）

{{hket:inline-image name="06.jpg"}}{{/hket:inline-image}}

梁繼璋同李麗蕊以《瘋Show快活人》老臣子姿態返去主持，同樣元祖級嘅貴花田（右）冇得留低。（東星娛樂）

星級父親節丨林文龍「女兒控」愛女之情上晒面 胡杏兒老公「四條king」捧阿仙奴 【下一頁】

今早梁繼璋開咪前接受傳媒訪問，表示：「好開心我哋呢個團隊由今日開始受邀主持呢節目，發放正能量，相信觀眾都好想聽到我哋嘅聲音。」對於之前三位主持「被炒」，梁繼璋說︰「我哋只係主持人，從來冇參與人事上嘅安排。」同時有傳他離職前網台時，交代轉職殯儀行業，惟與事實有出入，當中疑似有人「講大話」，但梁繼璋以趕入錄音室開咪為由未有回應。

加入失業大軍的曾志豪，今朝11時在Facebook直播，對撼梁繼璋第一日主持的《瘋show快活人》的時段，前者半小時直播吸引2500多名網民捧場。見曾志在書房開live，他先解釋今次單拖直播未能預埋貴花田、王耀祖的原因，「因為未解決到三個合體嘅技術問題，會交由阿祖去搞。」

講到FB專頁的名稱一樣為「瘋Show快活人」，他強調並非官方網頁，「係好多年前我哋啲fans開嘅專頁，非官方網頁，唔受電台嘅行政阻礙，我已經係自僱人士，如果大家仲想同我哋傾偈，可以嚟呢度，延續我哋嘅空中結緣啦！但唔敢承諾會天長地久，畢竟廿幾年，普通人fareware都有一個月，咁我哋喺呢到至少say個hi，say個bye都好合理！透過呢個平台同大家再傾偈。」因為太多網民想見貴花田，曾志豪以「最土炮合體」，用手機視像女方，然後在FB直播鏡頭前展示，貴花田置身家中，表示感謝網民的支持，「我睇大家嘅留言睇到凌晨兩、三點呀！多謝大家。」曾志豪亦答應網民，「會搵方法解決，希望三人同時間喺Facebook開咪，同大家見面。」不少網民留言打氣支持，「今朝聽三隻新瘋Show（香港電台），成個鐘唔知講乜嘢，得個嘈字，好似去咗街市」、「已轉咗台」、「今朝聽唔到你哋把聲好唔慣呀」。

撰文：衛紫敏

同場加映：愛回家│吳偉豪首次開腔親認拍不雅片 龔燁熊若水婚事會有阻滯？

{{hket:ul-video id="3296"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

御用有錢人︳黃子雄初拍床上最驚有生理反應 不婚原因：唔覺得需要養另一半 【下一頁】