晚吹-有酒今晚吹｜裕美欣賞林作騎呢講嘢夾雜粗口 「佢係唯一最有安全感男朋友」

裕美緊接男友林作，應邀做ViuTV節目《晚吹-有酒今晚吹》的嘉賓，跟主持人強尼、練美娟及黃詩詩一同品酒。裕美分享她入行後的個人經歷之餘，話題當然少不免扯到林作，和反對他們拍拖的林作媽咪王莉妮身上；眾主持先後開了幾支紅酒，務求令裕美酒後吐真言。

{{hket:inline-image name="04281003.jpg"}}{{/hket:inline-image}}

{{hket:inline-image name="wadahiromi_123300250_3552547278138507_4270983999701903363_n.jpg"}}{{/hket:inline-image}}

麥貝夷爆舊愛偷食好姊妹 裕美成嫌疑人物：要講請講清楚啲【下一頁】

裕美表示從男友林作身上學到「唔care人哋點講」，曾被男友點出她最大問題就是「自卑」，很在意別人說話，「佢話每日有十萬個留言鬧佢，唔鬧唔開心。（拍拖後性格上有大轉變？）我以前是一句粗口都唔講，最近搵舊同事敘舊，突然爆咗一句出嚟！識咗我十幾年嘅朋友呆咗，話我做乜嘢講粗口，跟住我話好順口，所以佢（林作）上一集話自己唔講粗口係呃人。啱啱識佢想追我嗰時，心諗呢個人係咪讀書讀到short咗？一句嘢有成4、5個粗口字喺裡面，連我同事都唔鍾意佢。（初時唔鍾意佢？）當時好憎佢，個髮型又唔知想點。本身唔想同佢溝通，但佢令人印象好深刻，返屋企會google佢。」

裕美透露由細到大的夢想是結婚，即使失敗過一次仍然希望建立一個完整家庭，很想找到一個終生伴侶，「而家（我哋）相處緊……佢係唯一最有安全感嘅男朋友，因為佢啲Facebook、IG，我都login咗，係佢自動畀我（登入密碼）。當然我唔係想查佢，佢話有時幫佢睇吓；跟住又畀埋電話、銀行password，我唔係要攞佢啲錢，佢都唔畀我郁佢啲錢，佢話有乜嘢就幫手轉數。我一直係個冇咩安全感嘅人，冇諗過佢會令我完全冇懷疑過。（有100%了解林作？）有九成，佢係與別不同……唔好誤會，我係講『騎呢』。」

強尼即場反過來追問林作有否轉變，裕美續說：「有，積極咗工作，因為以前唔使點做嘢。佢媽媽知道我哋一齊，就cut咗佢張（信用）卡，要佢自生自滅！但咁樣令阿作發奮圖強，自己去搵錢。阿作同佢講嘢（口吻）都好似，都好爆！（如何拆解跟林媽媽不和關係？）希望唔好覺得我礙眼，始終係對方媽咪。以前細個好想要朋友，成日討好啲人，反而令自己低咗，（其他人）唔會尊重你……人哋唔鍾意你就唔鍾意你！」

我真係恭喜你呀│林作未理媽媽強烈反對私定終身 疑與裕美凌晨豪宅簽字註冊結婚【下一頁】

問她會否擔心林作跟鍾培生的拳賽，裕美表示：「我知佢會戴頭盔（上台），所以OK，希望佢唔好打到歪鼻嗰啲……（林作話加大保額，受益人是你？）佢講咋！係咩？做乜嘢唔畀我睇呀，林作！不枉我冇接受錯你。」

（↓點擊放大睇圖片↓）

此外，提到入行後有段日子情緒崩潰，裕美大方承認，「我有抑鬱症好幾次，嗰時有好多事情發生，承受唔到，身體亦開始出現問題，心跳得好快，唞唔到氣，四肢僵硬，同自己講冷靜啲都冷靜唔到；食嘢又會即刻嘔，又好似聽到把聲，令你想傷害自己。娛樂圈點解好多人抑鬱，是因為控制唔到，好被動。我做生意若果今個月生意差，諗辦法去跑（數），可以自己話事，以前係聽天由命。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】