星光路上｜林夏薇曾因學業放棄參演《色戒》 入行後努力撇甩「林峯堂妹」影子

劇集《逆天奇案》上周大結局，森Sir（陳展鵬飾）、未婚妻Wing（林夏薇飾）及Ana（馮盈盈飾）最終各走各路，三角戀未了緣……待續。林夏薇因角色得到「國民女友」的稱號，她接受《星光路上》訪問時坦言「好鍾意呢個稱號，聽落好親切」。

{{hket:inline-image name="MEI2.png"}}{{/hket:inline-image}}

林夏薇、陳展鵬是第二次演情侶，「第一次係《乘勝追擊》，第一集已經要裸露，一個專業演員唔會諗尷尬呢啲嘢。」她又指Wing這個角色與本人亦有相似地方，「我同佢都比較小女人，好聽老公話，以對方為主；生活上會格價，精打細算，比較實際。」

（↓點擊放大睇圖片↓）

入行10年的林夏薇，自言好細個已鍾意演戲，很有表演慾。「有一次喺雜誌睇到TVB招募童星，填晒表格，不過阿媽見到就扔咗，佢想我專心讀書。」她未有放棄成為演員的夢想，「有一次放學返屋企，見到有全國明日之星嘅招募，心諗機會嚟嘞！但又唔可以話畀父母聽，就叫同學幫手報名，點知又拎埋獎……負責人同我講，其實我可以去考電影學院或北京中央戲劇學院，所以我16歲半一個人去咗北京。」續指北京電影學院、北京中央戲劇學院同時取錄她，「收到通知個一刻係呆咗，之後又笑又喊，因為我證明到畀父母睇努力冇白費到！」

{{hket:inline-image name="173083178_507820010591989_2641364166943224436_n.jpg"}}{{/hket:inline-image}}

為了學業，林夏薇稱放棄參演李安《色戒》其中一個角色的機會，「劇組打嚟話收咗我，但因為我哋學校好嚴，一定要大學三年級先可以出去拍戲，嗰時咁啱係一年級升二年級，老師話我去拍嘅話……可能要退學！」

畢業後，她加入香港話劇團成為全職演員，2011年加入無綫。當時有不少觀眾對林夏薇的印象只有「林峯堂妹」，認為她是靠關係上位。林夏薇表示：「記得剛入行時記者問我『阿峯有冇畀意見？』有！佢送咗三個字畀我，『靠自己』。」幾時撇甩林峯這影子？「2014年起，我一連拍咗4齣戲。」當中《收規華》「花影月」是她最喜歡的角色，「佢人生好大起伏，有好多層次，好有挑戰性，一度抽離唔到角色。」

（↓點擊放大睇圖片↓）

逆天奇案‧大結局│張頴康毒後失常演技獨領風騷 陳展鵬情感三角錯未了緣待續 【下一頁】

同場加映：港姐首輪面試： 關禮傑26歲囡囡關楓馨參選 113名候選女士質素參差

{{hket:ul-video id="3174"}}{{/hket:ul-video}}