新城市廣場「親子運動市集」 挑戰11個競技遊戲

黛安收到風，由港協暨奧委會主辦嘅「第64屆體育節--親子運動市集2021」，今年破天荒喺戶外舉行，6月26日會喺沙田新城市廣場5樓戶外平台「躍動悠園」展開，3至12歲嘅小朋友，可以同家長一齊挑戰現場11個競技遊戲，即日起喺網上就可以報名喇。

公關姊妹話，現場有專業教練帶領參加者遊走「親子運動市集」5大遊戲區，其中A至D區嘅「親子運動市集」10個項目中，包括A區6項，需要親子合作鬥快完成嘅充氣遊戲項目，仲有合作傳巨型火炬、滑草梯同懸吊式平衡木走道等，夠晒刺激好玩。

至於E區嘅籃球場就會舉行「幼兒運動會」，設有4款有助訓練幼兒協調同敏捷度嘅遊戲，想參加今次活動好簡單，即日起【按此】登記資料便可預約場次，The Point by SHKP會員仲可預留入場券，會員可於指定日子透過新地商場手機App換領。