食神減肥｜325磅食神韜韜2年勁減131磅 拒做縮胃手術靠戒2大壞習慣

被譽為「食神」的梁文韜（韜韜）現年70歲，其325磅的龐大身型極具標誌性，但巨腩同時為他帶來周身病痛，韜韜坦言做廚師令自己養成放縱飲食的習慣，直至同樣有肥胖問題的弟弟無先兆下猝逝，才令他一夜覺悟決心減肥。他未有選擇做縮胃手術，透過戒除2大壞習慣，再控制飲食及堅持做運動，成功在2年多內勁減131磅，減肥任務超額完成，他更親身為《晴報》讀者示範3式「甩手操」，助同路人用簡單方法瘦身。

{{hket:ul-video id="3196"}}{{/hket:ul-video}}

自幼識飲識食  中學畢業學廚

韜韜煉成巨腩，其實與出生背景有很大關係，他於1950年代生於廣東省中山市，其後舉家遷至澳門及香港生活，由於爸爸做鹹魚海鮮生意，故他自小便在魚欄長大，對各種魚類都很熟悉，家人亦因工作關係識煮識食，為他日後在飲食界發展埋下種子。

韜韜年幼時家境並不富裕，身為長子背負家人期望及養家壓力，中學畢業後日間在出口公司工作，晚上到灣仔榮華酒樓做學廚；周末在酒樓借宿，早上6時便起床學習不同工序，肯學肯捱的個性獲不少「世叔伯」及師傅欣賞，紮穩基本功。

上電視做「食神」聲名大噪

韜韜輾轉到了元朗大榮華酒樓工作，未料適逢政府在新界收地，酒樓生意一落千丈，停業4年，直至1998年他接手打理酒樓生意，成功以傳統圍村菜打響名堂，2002年獲TVB邀請拍攝飲食節目《日日有食神》，自此「食神」形象及巨大身型就深入民心。

↓ 點 擊 圖 片 放 大 ↓

高峰達325磅  減肥失敗衰「為食」

其實年少打工時，韜韜體重約160磅，直至他長駐酒樓工作，每晚10時才能吃晚飯，回家即入睡而且從不運動，以致體內脂肪不斷積聚，高峰時重達325磅、腰圍62吋。早年他嘗試減肥，但總是半途而廢，想過做縮胃手術，卻因心有恐懼而放棄，加上內心其實並不介意過重，故越來越放縱飲食，

「自己又識煮又識食，最慘係呢樣嘢，加上啲老友又客氣，自己又貪心，有乜好嘢都叫埋一齊食。」  

弟弟離世如當頭棒喝

直至2017年，其59歲弟弟在家中吃飯後突然猝死，韜韜指弟弟體重約260磅，較他輕65磅，而且比自己年輕，但竟然毫無先兆下猝逝，此事猶如當頭棒喝！令他開始審視自己不健康的身體狀況，包括纏繞多年的肩周炎、網球手、頸椎痛、腰背痛、膝蓋痛等舊患，坦言膝蓋曾痛到難以步行，亦無法舉高左手。在朋友及中醫的指導下，他於2019年2月開始減肥。

↓ 點 擊 圖 片 放 大 ↓

生酮飲食及勤做運動  美食點到即止

韜韜先由飲食習慣入手，採用生酮飲食法，盡量戒吃澱粉質，改吃大量魚肉及肉類汲取蛋白質，幫助增肌減脂；他又多吃豬腳筋、魚下巴等富含活性膠原蛋白的食物，以「廉價補品」改善身體痛症問題。縱然要告別以往的美食佳餚，但韜韜笑謂看得很開，

「其實乜嘢都食過，都無乜嘢吸引力喇！就算係我最鍾意食嘅牛筋腩都忍到口，點到即止，食一兩件就算數。」

除此之外，韜韜還勤做八段錦、甩手操等帶氧運動，他稱甩手操是手腳並用的簡易運動，適合過重、無法做仰臥起坐（Sit-up）及彎腰的中老年朋友，有助身體出汗及燃脂，同時加速新陳代謝。他特意向《晴報》讀者示範以下3式「甩手操」，例如由每日甩手及踏步50下開始，其後每10下遞増，配合深呼吸，要持之以恆。他努力28個月後，成功減掉131磅至現時的194磅，平均每月減約5磅，腰圍亦由62吋減至41吋，連昔日舊患都不藥而癒，

「而家做吓做吓，左手嘅網球手同肩周炎都冇事喇，對頸椎、腰椎都有幫助。Simple but effective（簡單但有效）！」

親身示範3式甩手操

↓ 點 擊 圖 片 放 大 ↓

戒除2大壞習慣

減肥最重要是「堅持」

韜韜表示，要成功減肥確實不易，初時試過情緒暴燥，總覺得「有嘢未做完」；又試過遇到瓶頸位，減磅停滯不前。但當想到最初目標只是減至250磅，現時卻能超額完成，加上調整生活作息後，發現早睡早起亦有助減磅及提神，他認為成功秘訣就是要有強大意志力，堅持下去及相信自己，就能突破失敗。他又寄語大家要注重健康，才能好好享受人生，

「就算你事業好成功，但如果冇好嘅身體，成日都喺病床，正所謂『久病床前冇孝子』，人哋都會覺得你討厭。所以一定要保持強健嘅身體，比任何事都重要。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂

撰文：賴天兒

攝影：王華婷，黃紫維