早餐KOL丨張敬軒媽媽出手都要食地獄料理 姐姐傑作灰到起歌《人生究竟乜事》

被歌手身分耽誤嘅早餐KOL張敬軒不時都喺社交平台分享佢嘅早餐呃like，而佢成為早餐KOL背後最大功臣就係一個廚藝「超班」嘅姐姐。姐姐嘅創造力量同幻想除咗會嚇阿sir一跳之外，仲帶畀網民好多歡樂，真係要代表一眾網民多謝佢呀！張敬軒今日又再同粉絲分享佢嘅早餐，同樣都係笑到大家不能自已。

{{hket:inline-image name="968c053f2c837ae53882a2a8a77d1771.jpg"}}{{/hket:inline-image}}

喺久違個幾月之後，姐姐今次都冇令大家失望，再創新猷。話說軒仔為咗有啖好食，搵嚟阿媽幫幫手：「當你以為你搵到阿媽出手就有好日子過嘅時候……你就錯了！你以為代表星期一嗰隻色淨（剩）係得MondayBlue呀，我仲有隻MondayGrey呀我話過你聽 。勁灰星期一。」咁到底點解搵埋媽媽都係搞唔掂呢？

{{hket:inline-image name="45.JPG"}}{{/hket:inline-image}}

軒仔繼續講案發經過：「尋日老母問到呢期一日三餐食唔食得齊，講講吓佢叫我遞個電話畀我阿遮（家傭姐姐），佢話佢醒起之前幫我發定咗啲嘢擺喺急凍，話佢會教遮遮煮一啲滋陰啲嘅嘢畀我食……之後係大量雞同鴨講嘅國語同我不祥嘅預感。」

（↓點擊放大睇圖片↓）

傾完電話，軒仔追問遮遮係咪「Everything alright」，姐姐似乎胸有成竹咁答佢「Yea」。點知軒仔一起身，發現碟上竟然有兩嚿「炭」的食物，軒仔無奈地指姐姐「完勝」，仲同大家玩冇獎問答遊戲，叫大家估吓係咩嚟。幽默無厘頭嘅軒仔仲剪咗條MV去表達自己嘅情感，配上Deanie姐（葉德嫻）嘅《人生究竟乜事》，加埋兩嚿「炭」同搞鬼字幕，真係不勝欷歔。

《人生究竟乜事》

作詞：黃霑(黃湛森)
作曲：黃霑(黃湛森)
編曲：鮑比達(Paulino Chris Babida)

人生匆匆究竟乜事
實在有沒有 有沒有意義
人生點解有咁多事
令得我共你 好似痴 好似痴

日子 日子一日咁過
你一生中又有幾天 真有意義
人生種種究竟乜事
令得我問你 你問我 邊個知
 

呢個post馬上引嚟網民嘅熱烈討論，驟眼睇，呢兩嚿「炭」有啲似燶到黑晒嘅麵包，江嘉敏就留言問係咪竹灰麵包。不過睇到軒仔「開刀」嘅時候好似多番少少提示，事關佢切嘅時候，嚿「炭」嘅表面硬到「框框」聲，用力之下仲成個反轉咗；呢個時候見到「炭」嘅底部黃黃哋，仲好似有啲彈性添！唔少人都估佢係一嚿燶到盡頭嘅海參，大家又覺得係咩呢？

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】