分手要狠｜妻子突拋下一句話斬斷13年感情 港男等足5年未放下：戇居嗎？

不少人在感情世界中雖被傷害，但心中仍難放下前度。一名港男在網上吐苦水，指自己與前妻拍拖9年後結婚，可惜婚姻只維持短短4年，女方便提出離婚；而在離婚1個月後，前妻更已火速換上新男友。然而5年過去，事主仍在癡癡地等她，只好向網民自嘲道：「夠戇居嗎？」

該名港男周二（1日）在「香港討論區」以「拍拖九年，結婚四年，然後離婚 …」為題發帖，指自己與前妻於加拿大就讀大學時相識，其後相戀；由於大家都是窮學生，要供自己讀書，因此一起捱過人生中最艱難時刻，

「大家一起扶持過，大家一起生活過，畢業返到香港就努力工作，儲錢結婚。」

事主續指，可惜「搞了一場大龍鳳」後，在結婚4年後的某天，前妻突然向他拋下一句令人震驚的說話，

「佢同我講佢發現原來自己仲有好大市場，然後就開始出去玩，晚晚都好夜先返……其實一切都由佢工作出差開始。」

直至有一日，事主與前妻因事嘈交，事主遂問前妻「係唔係想離婚」，「佢答係。我決定放手由佢去，愛一個人，不需要擁有她，而係只要見到她快樂就好了。」當時兩人已年過30，而在離婚1個月後，事主從朋友口中得知前妻已有男朋友；但他自己卻因曾受傷害，不敢再次全情投入愛戀，擔心會對新女伴不公平，而拒絕展開一段新戀情，

「我心也死了，祝她（前妻）幸福快樂吧。可惜，過了5年，我仍然是在等她。夠戇居嗎？」

事主直言，當前妻表示自己「仲有市場」時，已覺得對方有外遇的可能性。雖然自己對前妻很好，亦信守結婚誓言中「一生一世」的承諾，但認為自己可能亦有問題，「咁就肯定我都有問題啦，如果唔係佢都唔會講發現自己仲有市場啦。我嘅問題就係佢已經對我冇興趣、冇感情囉。咁一段感情破裂，都肯定雙方都有責任的。」

此事引來網民熱議，不少網民坦言，事主前妻明顯在離婚前已有外遇，「帽唔怕戴，最緊要除得快」，又著事主應改變心態放下對方，勇敢地展開新一段戀情，為自己爭取幸福：

（↓點擊圖片放大↓）

同場加映：

港男仵工由低做起見盡凶宅屍蟲 自爆「撞鬼」經歷要靠師傅開解

{{hket:ul-video id="2863"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂

責任編輯：李凱晴